ਆਲੀਆ ਤੇ ਨੀਤੂ ਵੱਲੋਂ ਰਣਬੀਰ ਨੂੰ ਜਨਮ ਦਨਿ ਦੀ ਵਧਾਈ

ਮੁੰਬਈ: ਬੌਲੀਵੁੱਡ ਅਦਾਕਾਰਾ ਆਲੀਆ ਭੱਟ ਨੇ ਆਪਣੇ ਪਤੀ ਰਣਬੀਰ ਕਪੂਰ ਨੂੰ ਜਨਮ ਦਨਿ ਦੀ ਵਧਾਈ ਦਿੱਤੀ ਹੈ। ਆਲੀਆ ਨੇ ਆਪਣੇ ਇੰਸਟਗ੍ਰਾਮ ਖਾਤੇ ’ਤੇ ਰਣਵੀਰ ਦੀਆਂ ਕੁਝ ਅਣਦੇਖੀਆਂ ਅਤੇ ਦਿਲ-ਖਿੱਚਵੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ ਅਤੇ ਨਾਲ ਹੀ ਇੱਕ ਪਿਆਰਾ ਜਿਹਾ ਸੁਨੇਹਾ ਲਿਖਿਆ ਹੈ। ਪਹਿਲੀ ਤਸਵੀਰ ਵਿੱਚ ਆਲੀਆ ਵੱਲੋਂ ਰਣਬੀਰ ਨੂੰ ਚੁੰਮਦੇ ਹੋਏ ਦੇਖਿਆ ਜਾ ਸਕਦਾ ਹੈ ਜਦਕਿ ਹੋਰ ਤਸਵੀਰਾਂ ’ਚ ਜੋੜਾ ਬਾਸਕਟਬਾਲ ਮੈਚ ਦਾ ਆਨੰਦ ਮਾਣਦਾ ਦਿਖਾਈ ਦੇ ਰਿਹਾ ਹੈ। ਉਸ ਨੇ ਤਸਵੀਰਾਂ ਦੀ ਕੈਪਸ਼ਨ ’ਚ ਲਿਖਿਆ, ‘‘ਮੇਰਾ ਪਿਆਰ, ਮੇਰਾ ਸਭ ਤੋਂ ਵਧੀਆ ਦੋਸਤ। ਮੇਰੀ ਸਭ ਤੋਂ ਵੱਧ ਖੁਸ਼ੀ ਵਾਲੀ ਜਗ੍ਹਾ। ਮੈਂ ਬਸ ਇੰਨਾ ਹੀ ਕਹਿਣਾ ਚਾਹਾਂਗੀ... ਜਨਮ ਦਨਿ ਮੁਬਾਰਕ। ਤੁਸੀਂ ਇਸ ਨੂੰ ਜਾਦੂਈ ਬਣਾਉਂਦੇ ਹੋ।’’ ਇਸੇ ਤਰ੍ਹਾਂ ਉੱਘੀ ਅਦਾਕਾਰਾ ਨੀਤੂ ਸਿੰਘ ਨੇ ਆਪਣੇ ਬੇਟੇ ਰਣਬੀਰ ਕਪੂਰ ਨੂੰ ਉਸ ਦੇ 41ਵੇਂ ਜਨਮ ਦਨਿ ਦੀ ਵਧਾਈ ਦਿੱਤੀ ਹੈ। ਨੀਤੂ ਸਿੰਘ ਨੇ ਇੰਸਟਾਗ੍ਰਾਮ ’ਤੇ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ, ਜਨਿ੍ਹਾਂ ਵਿੱਚ ਮੇਜ਼ ’ਤੇ ਰੱਖੇ ਦੋ ਕੇਕ ਦਿਖਾਈ ਦੇ ਰਹੇ ਹਨ। ਨੀਤੂ ਸਿੰਘ ਨੇ ਆਖਿਆ, ‘‘ਮੇਰੇ ਸਭ ਤੋਂ ਖਾਸ ਨੂੰ ਜਨਮ ਦਨਿ ਮੁਬਾਰਕ।’’ ਇਸ ਤੋਂ ਇਲਾਵਾ ਬੌਲੀਵੁੱਡ ਅਦਾਕਾਰਾ ਦੀਆ ਮਿਰਜ਼ਾ, ਬਿਪਾਸਾ ਬਾਸੂ, ਸੋਫੀ ਚੌਧਰੀ, ਗੌਹਰ ਖ਼ਾਨ, ਬੈਡਮਿੰਟਨ ਖਿਡਾਰਨ ਪੀ.ਵੀ. ਸਿੰਧੂ ਅਤੇ ਰਿਧਿਮਾ ਕਪੂਰ ਸਾਹਨੀ ਨੇ ਵੀ ਰਣਬੀਰ ਕਪੂਰ ਨੂੰ ਜਨਮ ਦਨਿ ਦੀ ਵਧਾਈ ਦਿੱਤੀ ਹੈ। -ਏਜੰਸੀਆਂ

ਰਣਬੀਰ ਦੀ ਫ਼ਿਲਮ ‘ਐਨੀਮਲ’ ਦਾ ਟੀਜ਼ਰ ਰਿਲੀਜ਼

ਮੁੰਬਈ: ਅਦਾਕਾਰ ਰਣਬੀਰ ਕਪੂਰ ਦੇ 41ਵੇਂ ਜਨਮ ਦਨਿ ਮੌਕੇ ਨਿਰਮਾਤਾਵਾਂ ਨੇ ਉਸ ਦੀ ਨਵੀਂ ਫ਼ਿਲਮ ‘ਐਨੀਮਲ’ ਦਾ ਟੀਜ਼ਰ ਰਿਲੀਜ਼ ਕੀਤਾ ਹੈ। ‘ਕਬੀਰ ਸਿੰਘ’ ਵਰਗੀ ਫ਼ਿਲਮ ਦੇ ਨਿਰਦੇਸ਼ਨ ਤੋਂ ਮਸ਼ਹੂਰ ਹੋਏ ਸੰਦੀਪ ਰੈਡੀ ਵੰਗਾ ਨੇ ਫ਼ਿਲਮ ਦਾ ਨਿਰਦੇਸ਼ਨ ਕੀਤਾ ਹੈ। ਇਸ ਵਿੱਚ ਅਨਿਲ ਕਪੂਰ, ਬੌਬੀ ਦਿਓਲ ਅਤੇ ਰਸ਼ਮਿਕਾ ਮੰਦਾਨਾ ਅਹਿਮ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ। ਇਹ ਫ਼ਿਲਮ ਪਹਿਲੀ ਦਸੰਬਰ ਨੂੰ ਹਿੰਦੀ, ਤੇਲਗੂ, ਤਾਮਿਲ, ਕੰਨੜ ਅਤੇ ਮਾਲਿਆਲਮ ਭਾਸ਼ਾਵਾਂ ਵਿੱਚ ਸਨਿੇਮਾ ਘਰਾਂ ’ਚ ਪਹੁੰਚ ਜਾਵੇਗੀ। ਤਕਰੀਬਨ ਢਾਈ ਮਿੰਟ ਦੇ ਇਸ ਟੀਜ਼ਰ ਵਿੱਚ ਅਨਿਲ ਕਪੂਰ ਅਤੇ ਰਣਬੀਰ ਕਪੂਰ ਨੂੰ ਅਜਿਹੇ ਪਿਓ-ਪੁੱਤ ਦੇ ਕਿਰਦਾਰ ’ਚ ਪੇਸ਼ ਕੀਤਾ ਗਿਆ ਹੈ, ਜਨਿ੍ਹਾਂ ਦੇ ਰਿਸ਼ਤੇ ਤਣਾਅਪੂਰਨ ਹਨ। ਅਪਰਾਧਿਕ ਪਿਛੋਕੜ ’ਤੇ ਆਧਾਰਿਤ ਇਸ ਫ਼ਿਲਮ ਸਬੰਧੀ ਇੰਟਰਵਿਊ ’ਚ ਰਣਬੀਰ ਨੇ ਇਸ ਫ਼ਿਲਮ ਨੂੰ ਖੁਦ ਲਈ ਨਵਾਂ ਤਜਰਬਾ ਕਰਾਰ ਦਿੱਤਾ ਸੀ। -ਪੀਟੀਆਈ