ਹਾਦਸੇ ਵਿੱਚ ਪੁਲੀਸ ਕਰਮਚਾਰੀ ਦੀ ਮੌਤ

ਅੰਮ੍ਰਿਤਸਰ: ਇੱਥੇ ਅੰਮ੍ਰਿਤਸਰ-ਅਟਾਰੀ ਬਾਈਪਾਸ ਰੋਡ ’ਤੇ ਸਰਵਿਸ ਲੇਨ ’ਤੇ ਖੜ੍ਹੇ ਟਰੱਕ ਨਾਲ ਟਕਰਾਉਣ ਕਾਰਨ ਪੰਜਾਬ ਪੁਲੀਸ ਦੇ ਇੱਕ ਸਿਪਾਹੀ ਅਰਜੁਨ ਕੁਮਾਰ ਦੀ ਮੌਤ ਹੋ ਗਈ। ਮ੍ਰਿਤਕ ਅਰਜੁਨ ਕੁਮਾਰ (22) ਅੰਮ੍ਰਿਤਸਰ ਦਿਹਾਤੀ ਪੁਲੀਸ ਦੀ ਓਐੱਸਆਈ ਸ਼ਾਖਾ ਵਿੱਚ ਤਾਇਨਾਤ ਸੀ। ਮੁੱਢਲੀ ਜਾਂਚ ਅਨੁਸਾਰ ਬੀਤੀ ਦੇਰ ਸ਼ਾਮ ਜਦੋਂ ਅਰਜੁਨ ਕੁਮਾਰ ਵਾਪਸ ਜਾ ਰਿਹਾ ਸੀ ਤਾਂ ਉਸ ਦੀ ਕਾਰ ਦਾ ਇੱਕ ਟਾਇਰ ਫਟਣ ਕਾਰਨ ਉਸ ਦੀ ਗੱਡੀ ਕੰਟਰੋਲ ਤੋਂ ਬਾਹਰ ਹੋ ਗਈ ਜੋ ਬਾਅਦ ਵਿੱਚ ਉਸਦੀ ਐੱਸਯੂਵੀ ਕਾਰ ਬਾਈਪਾਸ ਰੋਡ ਦੀ ਸਰਵਿਸ ਲੇਨ ਵਿੱਚ ਖੜ੍ਹੇ ਟਰੱਕ ਨਾਲ ਜਾ ਟਕਰਾਈ। ਦੱਸਣਯੋਗ ਹੈ ਕਿ ਸਿਪਾਹੀ ਅਰਜੁਨ ਕੁਮਾਰ ਦਾ ਕਰੀਬ ਛੇ ਮਹੀਨੇ ਪਹਿਲਾਂ ਵਿਆਹ ਹੋਇਆ ਸੀ। - ਟਨਸ