ਜੰਮੂ ਕਸ਼ਮੀਰ ਵਿੱਚ ਸ਼ਾਮ ਪੰਜ ਵਜੇ ਤਕ 65 ਫੀਸਦੀ ਪੋਲਿੰਗ

ਸ੍ਰੀਨਗਰ, 1 ਅਕਤੂਬਰ
ਜੰਮੂ ਕਸ਼ਮੀਰ ਵਿਧਾਨ ਸਭਾ ਚੋਣਾਂ ਦੇ ਆਖਰੀ ਤੇ ਤੀਜੇ ਪੜਾਅ ਵਿਚ ਅੱਜ ਸ਼ਾਮ ਪੰਜ ਵਜੇ ਤਕ 65.48 ਫੀਸਦੀ ਵੋਟਾਂ ਪਈਆਂ। ਇਹ ਵੋਟਾਂ ਸੱਤ ਜ਼ਿਲ੍ਹਿਆਂ ਦੀਆਂ 40 ਵਿਧਾਨ ਸਭਾ ਹਲਕਿਆਂ ਲਈ ਪਈਆਂ। ਸਭ ਤੋਂ ਵੱਧ ਊਧਮਪੁਰ ਵਿਚ 72.91 ਫੀਸਦੀ ਵੋਟਾਂ ਪਈਆਂ ਤੇ ਸਭ ਤੋਂ ਘੱਟ ਬਾਰਾਮੂਲਾ ਵਿਚ 55.73 ਫੀਸਦੀ ਵੋਟਾਂ ਪਈਆਂ। ਇਹ ਵੋਟਾਂ ਸ਼ਾਮ ਛੇ ਵਜੇ ਤਕ ਪੈਣੀਆਂ ਹਨ। ਤੀਜੇ ਪੜਾਅ ਦੀਆਂ 40 ਸੀਟਾਂ ਵਿਚ 24 ਜੰਮੂ ਡਿਵੀਜ਼ਨ ਤੇ 16 ਕਸ਼ਮੀਰ ਘਾਟੀ ਨਾਲ ਸਬੰਧਤ ਹਨ। ਆਖਰੀ ਪੜਾਅ ਵਿਚ 415 ਉਮੀਦਵਾਰ ਚੋਣ ਮੈਦਾਨ ਵਿਚ ਹਨ ਜਿਨ੍ਹਾਂ ਵਿਚ 387 ਪੁਰਸ਼ ਤੇ 28 ਮਹਿਲਾ ਉਮੀਦਵਾਰ ਹਨ।