ਵਿਦੇਸ਼ ਭੇਜਣ ਦੇ ਨਾਂ ’ਤੇ 4.10 ਲੱਖ ਰੁਪਏ ਠੱਗੇ

ਪੱਤਰ ਪ੍ਰੇਰਕ
ਕਾਦੀਆਂ, 1 ਜੁਲਾਈ
ਵਿਦੇਸ਼ ਭੇਜਣ ਦੇ ਨਾਂ ’ਤੇ 4.10 ਲੱਖ ਰੁਪਏ ਦੀ ਠੱਗੀ ਮਾਰਨ ਦੇ ਦੋਸ਼ ਹੇਠ ਕਾਦੀਆਂ ਪੁਲੀਸ ਨੇ ਦੋ ਵਿਅਕਤੀਆਂ ਵਿਰੁੱਧ ਕੇਸ ਦਰਜ ਕੀਤਾ ਹੈ। ਇਸ ਸਬੰਧ ਵਿੱਚ ਕੁਲਵੰਤ ਰਾਏ ਦੀ ਪਤਨੀ ਵੀਨਾ ਕੁਮਾਰੀ ਵਾਸੀ ਭਗਤਪੁਰਾ ਨੇ ਦੱਸਿਆ ਕਿ ਅਨੂ ਠਾਕੁਰ ਪਤਨੀ ਹਰੀਸ਼ ਚੰਦਰ ਅਤੇ ਸੋਏਸ਼ ਅਹਿਮਦ ਵਾਸੀਆਨ ਚੰਡੀਗੜ੍ਹ ਨੇ ਉਸ ਦੀ ਲੜਕੀ ਦਾ ਦੁਬਈ ਜਾਣ ਲਈ ਦੋ ਸਾਲ ਦਾ ਪ੍ਰੋਫ਼ੈਸ਼ਨਲ ਵੀਜ਼ਾ ਨਾ ਲਗਵਾ ਕੇ ਠੱਗੀ ਮਾਰੀ ਹੈ। ਲੜਕੀ ਨੂੰ ਡਰਾ ਧਮਕਾ ਕੇ ਉਸ ਦੇ ਪਰਿਵਾਰ ਤੋਂ ਆਪਣੇ ਖਾਤੇ ਵਿੱਚ 4 ਲੱਖ 10 ਹਜ਼ਾਰ ਰੁਪਏ ਪਵਾ ਲਏ। ਐੱਸਐੱਸਪੀ ਦੇ ਨਿਰਦੇਸ਼ਾਂ ’ਤੇ ਕਾਦੀਆਂ ਪੁਲੀਸ ਨੇ ਕੇਸ ਦਰਜ ਕਰ ਲਿਆ ਹੈ।