ਰੇਲਵੇ ਲਈ 2.62 ਲੱਖ ਕਰੋੜ ਰੁਪਏ ਦਾ ਬਜਟ: ਵੈਸ਼ਨਵ

ਨਵੀਂ ਦਿੱਲੀ:

ਰੇਲ ਮੰਤਰੀ ਅਸ਼ਵਨੀ ਵੈਸ਼ਨਵ ਨੇ ਕਿਹਾ ਕਿ ਕੇਂਦਰੀ ਬਜਟ ਵਿਚ ਰੇਲਵੇ ਲਈ 2,62,200 ਕਰੋੜ ਰੁਪਏ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਰੇਲ ਬਜਟ ਤਹਿਤ ਰੱਖੇ ਫੰਡਾਂ ਦਾ ਪ੍ਰਮੁੱਖ ਹਿੱਸਾ ਰੇਲ ਸੁਰੱਖਿਆ ਤੇ ਹੋਰ ਸਰਗਰਮੀਆਂ ਅਤੇ ਆਟੋਮੈਟਿਕ ਟਰੇਨ ਪ੍ਰੋਟੈਕਸ਼ਨ ਸਿਸਟਮ ‘ਕਵਚ’ ਦੀ ਸਥਾਪਤੀ ’ਤੇ ਖਰਚਿਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਪੁਰਾਣੇ ਟਰੈਕਾਂ ਨੂੰ ਬਦਲਣ, ਸਿਗਨਲਿੰਗ ਸਿਸਟਮ ’ਚ ਸੁਧਾਰ ਅਤੇ ਫਲਾਈਓਵਰਾਂ ਤੇ ਅੰਡਰਪਾਸਾਂ ਦੀ ਉਸਾਰੀ ਸਣੇ ਸੁਰੱਖਿਆ ਨਾਲ ਜੁੜੀਆਂ ਹੋਰਨਾਂ ਸਰਗਰਮੀਆਂ ’ਤੇ ਇਹ ਫੰਡ ਖਰਚੇ ਜਾਣਗੇ। -ਪੀਟੀਆਈ