ਸਿੱਕਮ ਜ਼ਿਮਨੀ ਚੋਣ: ਐੱਸਕੇਐੱਮ ਦੇ ਦੋ ਉਮੀਦਵਾਰ ਬਿਨਾਂ ਵਿਰੋਧ ਚੁਣੇ

ਗੰਗਟੋਕ: ਸਿੱਕਮ ਕ੍ਰਾਂਤੀਕਾਰੀ ਮੋਰਚਾ (ਐੱਸਕੇਐੱਮ) ਦੇ ਉਮੀਦਵਾਰ ਆਦਿੱਤਿਆ ਗੋਲੇ ਤੇ ਸਤੀਸ਼ ਚੰਦਰ ਰਾਏ ਕ੍ਰਮਵਾਰ ਸੌਰੇਂਗ-ਚਾਕੁੰਗ ਅਤੇ ਨਾਮਚੀ ਸਿੰਘੀਥਾਂਗ ਵਿਧਾਨ ਸਭਾ ਸੀਟਾਂ ਲਈ ਹੋਈ ਜ਼ਿਮਨੀ ਚੋਣ ’ਚ ਅੱਜ ਬਿਨਾਂ ਵਿਰੋਧ ਚੁਣ ਲਏ ਗਏ ਹਨ। ਅਧਿਕਾਰੀਆਂ ਅਨੁਸਾਰ ਗੋਲੇ ਸੌਰੇਂਗ-ਚਾਕੁੰਗ ਸੀਟ ਤੋਂ ਜ਼ਿਮਨੀ ਚੋਣ ’ਚ ਇੱਕੋ-ਇੱਕ ਉਮੀਦਵਾਰ ਸਨ ਕਿਉਂਕਿ ਸਿੱਕਮ ਡੈਮੋਕਰੈਟਿਕ ਫਰੰਟ (ਐੱਸਡੀਐੱਫ) ਦੇ ਉਮੀਦਵਾਰ ਪ੍ਰੋਬਿਨ ਹੰਗ ਸੁੱਬਾ ਨੇ ਬੀਤੇ ਦਿਨ ਆਪਣੀ ਨਾਮਜ਼ਦਗੀ ਵਾਪਸ ਲੈ ਲਈ ਸੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਗੋਲੇ ਬਿਨਾਂ ਵਿਰੋਧ ਚੁਣੇ ਗਏ ਅਤੇ ਸੌਰੇਂਗ ਦੇ ਚੋਣ ਅਧਿਕਾਰੀ ਧੀਰਜ ਸੁਬੇਦੀ ਨੇ ਨਾਂ ਵਾਪਸ ਲੈਣ ਦੀ ਸਮਾਂ ਸੀਮਾ ਮੁੱਕਣ ਮਗਰੋਂ ਉਨ੍ਹਾਂ ਨੂੰ ਚੋਣ ਸਰਟੀਫਿਕੇਟ ਸੌਂਪਿਆ। -ਪੀਟੀਆਈ