ਬਿਹਾਰ ਪੁਲੀਸ ਦੇ ਜਵਾਨਾਂ ਨਾਲ ਭਰੀ ਬੱਸ ਖੱਡ ’ਚ ਡਿੱਗੀ, 29 ਜ਼ਖ਼ਮੀ

ਬਲੀਆ (ਯੂਪੀ): ਬਿਹਾਰ ਦੀ ਵਿਸ਼ੇਸ਼ ਹਥਿਆਰਬੰਦ ਪੁਲੀਸ (18ਵੀਂ ਬਟਾਲੀਅਨ ਦੀ ਈ ਕੰਪਨੀ) ਦੇ ਜਵਾਨਾਂ ਨਾਲ ਭਰੀ ਇਕ ਪ੍ਰਾਈਵੇਟ ਬੱਸ ਦੇ ਸੜਕ ਕੰਢੇ ਖੱਡ ’ਚ ਡਿੱਗਣ ਕਾਰਨ 29 ਵਿਅਕਤੀ ਜ਼ਖ਼ਮੀ ਹੋ ਗਏ। ਇਹ ਹਾਦਸਾ ਮੰਗਲਵਾਰ ਅੱਧੀ ਰਾਤ ਨੂੰ ਵਾਪਰਿਆ ਜਦੋਂ ਬੱਸ ਬਿਹਾਰ ਦੇ ਸੀਵਾਨ ਵੱਲ ਜਾ ਰਹੀ ਸੀ। ਪੁਲੀਸ ਕਰਮੀ ਦੀਵਾਲੀ ਅਤੇ ਛੱਠ ਤਿਉਹਾਰਾਂ ਮੌਕੇ ਅਮਨ-ਸ਼ਾਂਤੀ ਕਾਇਮ ਰੱਖਣ ਲਈ ਡਿਊਟੀ ’ਤੇ ਜਾ ਰਹੇ ਸਨ। ਜ਼ਖ਼ਮੀਆਂ ’ਚੋਂ 10 ਨੂੰ ਜ਼ਿਲ੍ਹਾ ਹਸਪਤਾਲ ’ਚ ਦਾਖ਼ਲ ਕਰਵਾਇਆ ਗਿਆ ਹੈ ਜਦਕਿ ਬਾਕੀ ਦਾ ਸੋਨਬਰਸਾ ਦੇ ਸਿਹਤ ਕੇਂਦਰ ’ਤੇ ਇਲਾਜ ਚੱਲ ਰਿਹਾ ਹੈ। ਐੱਸਪੀ ਵਿਕਰਾਂਤ ਵੀਰ ਨੇ ਹਸਪਤਾਲ ਜਾ ਕੇ ਜਵਾਨਾਂ ਦਾ ਹਾਲ-ਚਾਲ ਪੁੱਛਿਆ। -ਪੀਟੀਆਈ