ਅਮਰੀਕਾ ਨੇ ਚੀਨੀ ਜਾਸੂਸੀ ਗੁਬਾਰੇ ਦਾ ਮਲਬਾ ਮੋੜਨ ਤੋਂ ਇਨਕਾਰ ਕੀਤਾ

ਵਾਸ਼ਿੰਗਟਨ, 7 ਫਰਵਰੀ

ਅਮਰੀਕਾ ਨੇ ਚੀਨੀ ਜਾਸੂਸੀ ਗੁਬਾਰੇ ਦਾ ਮਲਬਾ ਵਾਪਸ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਇਸ ਗੁਬਾਰੇ ਨੂੰ ਸ਼ਨਿਚਰਵਾਰ ਨੂੰ ਦੱਖਣੀ ਕੈਰੋਲੀਨਾ ‘ਚ ਅਟਲਾਂਟਿਕ ਮਹਾਸਾਗਰ ਦੇ ਤੱਟ ‘ਤੇ ਹੇਠਾਂ ਸੁੱਟਿਆ ਗਿਆ ਸੀ। ਅਮਰੀਕੀ ਫੌਜ ਨੇ ਚੀਨੀ ਜਾਸੂਸੀ ਗੁਬਾਰੇ ਦੇ ਮਲਬੇ ਇਕੱਠਾ ਕਰਨ ਲਈ ਆਪਣੀਆਂ ਕੋਸ਼ਿਸ਼ਾਂ ਤੇਜ਼ ਕਰ ਦਿੱਤੀਆਂ ਹਨ, ਜੋ ਪਿਛਲੇ ਹਫ਼ਤੇ ਕਈ ਦਿਨਾਂ ਤੋਂ ਮੋਂਟਾਨਾ ਤੋਂ ਦੱਖਣੀ ਕੈਰੋਲੀਨਾ ਤੱਕ ਅਮਰੀਕੀ ਅਸਮਾਨ ‘ਤੇ ਉੱਡਦਾ ਦੇਖਿਆ ਗਿਆ ਸੀ।