ਸੜਕ ਹਾਦਸੇ ਦੌਰਾਨ ਨੌਜਵਾਨ ਹਲਾਕ
08:09 AM Jun 22, 2024 IST
ਲੁਧਿਆਣਾ: ਥਾਣਾ ਸਲੇਮ ਟਾਬਰੀ ਦੇ ਇਲਾਕੇ ਵਿੱਚ ਜੀਟੀ ਰੋਡ ਸਥਿਤ ਟਾਈਗਰ ਸਫ਼ਾਰੀ ਕੋਲ ਹੋਏ ਇੱਕ ਸੜਕ ਹਾਦਸੇ ਵਿੱਚ ਨੌਜਵਾਨ ਦੀ ਮੌਤ ਹੋ ਗਈ ਹੈ। ਇਸ ਸਬੰਧੀ ਸਿਲਵਰ ਕੁੰਜ ਪਿੰਡ ਭੌਰਾ ਵਾਸੀ ਹਰਲੀਨ ਅਰੋੜਾ ਨੇ ਦੱਸਿਆ ਹੈ ਕਿ ਉਹ ਆਪਣੇ ਭਰਾ ਦਾ ਸਾਲੇ ਬਲਜੀਤ ਸਿੰਘ ਵਾਸੀ ਡੇਰਾ ਅਕਲਪੁਰ ਰੋਡ ਫਿਲੌਰ ਤੋਂ ਆਪਣੇ ਆਟੋ ’ਤੇ ਆ ਰਹੀ ਸੀ ਤਾਂ ਨੇੜੇ ਟਾਈਗਰ ਸਫਾਰੀ ਸਲਿੱਪ ਰੋਡ ’ਤੇ ਇੱਕ ਆਟੋ ਰਿਕਸ਼ਾ ਦੇ ਚਾਲਕ ਨੇ ਆਪਣਾ ਆਟੋ ਸਾਹਮਣੇ ਤੋਂ ਤੇਜ਼ ਰਫ਼ਤਾਰੀ ਤੇ ਲਾਪ੍ਰਵਾਹੀ ਨਾਲ ਚਲਾ ਕੇ ਆਟੋ ਨੂੰ ਫੇਟ ਮਾਰੀ, ਜਿਸ ਨਾਲ ਦੋਵੇਂ ਆਟੋ ਪਲਟ ਗਏ ਅਤੇ ਤੇ ਬਲਜੀਤ ਸਿੰਘ ਦੇ ਕਾਫ਼ੀ ਸੱਟਾਂ ਲੱਗੀਆਂ। ਜ਼ਖ਼ਮੀ ਹਾਲਤ ਵਿੱਚ ਉਸ ਨੂੰ ਪੀਜੀਆਈ ਹਸਪਤਾਲ ਚੰਡੀਗੜ੍ਹ ਲਿਜਾਇਆ ਗਿਆ, ਜਿੱਥੇ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ। ਥਾਣੇਦਾਰ ਗੁਰਵਿੰਦਰ ਸਿੰਘ ਨੇ ਦੱਸਿਆ ਹੈ ਕਿ ਪੁਲੀਸ ਵੱਲੋਂ ਕੇਸ ਦਰਜ ਕਰ ਕੇ ਕਾਰਵਾਈ ਕੀਤੀ ਜਾ ਰਹੀ ਹੈ ਜਦਕਿ ਲਾਸ਼ ਪੋਸਟਮਾਰਟਮ ਉਪਰੰਤ ਵਾਰਸਾਂ ਹਵਾਲੇ ਕਰ ਦਿੱਤੀ ਗਈ ਹੈ। -ਨਿੱਜੀ ਪੱਤਰ ਪ੍ਰੇਰਕ
Advertisement
Advertisement