ਯੂਥ ਫੈੱਡਰੇਸ਼ਨ ਵੱਲੋਂ ਕੋਵਿਡ- 19 ਦੇ ਯੋਧਿਆਂ ਦਾ ਸਨਮਾਨ

ਪੱਤਰ ਪ੍ਰੇਰਕ
ਦੇਵੀਗੜ੍ਹ, 20 ਅਗਸਤ

ਸੈਣੀ ਯੂਥ ਫੈੱਡਰੇਸ਼ਨ ਵੱਲੋਂ ਕੌਮੀ ਪ੍ਰਧਾਨ ਨਰਿੰਦਰ ਸੈਣੀ ਅਤੇ ਵਿਧਾਇਕ ਬੀ.ਐੱਲ. ਸੈਣੀ ਦੀ ਅਗਵਾਈ ਹੇਠ ਕੋਵਿਡ-19 ਵਿਰੁੱਧ ਚੰਗੀ ਕਾਰਗੁਜ਼ਾਰੀ ਦਿਖਾਉਣ ਵਾਲੇ ਅਧਿਕਾਰੀਆਂ ਦਾ ਸਨਮਾਨ ਕਰਨ ਲਈ ਇੱਕ ਸਮਾਗਮ ਕਰਵਾਇਆ ਗਿਆ। ਸਮਾਗਮ ਵਿੱਚ ਪ੍ਰੋ. ਪੂਰਨ ਸਿੰਘ ਕੋਰ ਕਮੇਟੀ ਮੈਂਬਰ, ਰਜਿੰਦਰ ਸੈਣੀ ਐੱਮਸੀ ਪਟਿਆਲਾ ਨੇ ਸ਼ਿਰਕਤ ਕੀਤੀ। ਇਸ ਮੌਕੇ ਜਤਿੰਦਰਪਾਲ ਸਿੰਘ ਸੈਣੀ ਐੱਸਆਈ, ਸੁਰਿੰਦਰਪਾਲ ਸਿੰਘ ਏਐਸਆਈ, ਨਾਇਬ ਤਹਿਸੀਲਦਾਰ ਇੰਦਰ ਕੁਮਾਰ, ਲਵਲੀਨ ਸਿੰਘ ਪੀਐੱਨਬੀ, ਸੁਰਿੰਦਰ ਕੁਮਾਰ ਸੈਣੀ ਇੰਚਾਰਜ ਪੰਜਾਬ ਪੁਲੀਸ ਸੱਭਿਆਚਾਰਕ ਟਰੂਪ ਪਟਿਆਲਾ, ਜਸਵੰਤ ਸਿੰਘ ਸੈਣੀ ਜੇਈ, ਕਰਨੈਲ ਸਿੰਘ ਡੀਐੱਸਪੀ, ਇੰਜੀ. ਸਿਮਰਜੀਤ ਸਿੰਘ ਐੱਸਡੀਓ ਪੀਐੱਸਪੀਸੀਐੱਲ ਪਟਿਆਲਾ ਦਾ ਸਨਮਾਨ ਕੀਤਾ ਗਿਆ।

ਇਸ ਮੌਕੇ ਨਰਿੰਦਰ ਸੈਣੀ ਨੇ ਦੱਸਿਆ ਕਿ 15 ਅਗਸਤ ਤੋਂ ਦੇਸ਼ ਭਰ ਵਿੱਚ ਸੈਣੀ ਯੂਥ ਫੈੱਡਰੇਸ਼ਨ ਵੱਲੋਂ ‘ਇੱਕ ਰੁੱਖ ਸ਼ਹੀਦਾਂ ਦੇ ਨਾਂ’ ਮੁਹਿੰਮ ਸ਼ੁਰੂ ਕੀਤੀ ਗਈ ਜਿਸ ਨੂੰ ਦੇਸ਼ ਭਰ ਵਿੱਚ ਵਧੀਆ ਹੁੰਗਾਰਾ ਮਿਲ ਰਿਹਾ ਹੈ। ਇਸ ਉਪਰੰਤ ਵਿਧਾਇਕ ਸ੍ਰੀ ਸੈਣੀ ਨੂੰ ਸਨਮਾਨਿਤ ਕੀਤਾ ਗਿਆ ਅਤੇ ਇੱਕ ਬੂਟਾ ਭੇਟ ਕੀਤਾ ਗਿਆ।