ਯੂਥ ਕਾਂਗਰਸੀਆਂ ਨੇ ਰਵਨੀਤ ਬਿੱਟੂ ਦਾ ਪੁਤਲਾ ਫੂਕਿਆ

ਪੱਤਰ ਪ੍ਰੇਰਕ
ਜਲੰਧਰ, 16 ਸਤੰਬਰ
ਯੂਥ ਕਾਂਗਰਸ ਸ਼ਹਿਰੀ ਤੇ ਦਿਹਾਤੀ ਵੱਲੋਂ ਕੇਂਦਰੀ ਮੰਤਰੀ ਰਵਨੀਤ ਸਿੰਘ ਬਿੱਟੂ ਦਾ ਪੁਤਲਾ ਫੂਕ ਕੇ ਪ੍ਰਦਰਸ਼ਨ ਕੀਤਾ ਗਿਆ। ਯੂਥ ਆਗੂਆਂ ਨੇ ਕਿਹਾ ਕਿ ਭਾਜਪਾ ਆਗੂ ਬਿੱਟੂ ਵੱਲੋਂ ਰਾਹੁਲ ਗਾਂਧੀ ਖ਼ਿਲਾਫ਼ ਜੋ ਬਿਆਨਬਾਜ਼ੀ ਕੀਤੀ ਗਈ ਹੈ, ਇਹ ਬਹੁਤ ਹੀ ਮੰਦਭਾਗੀ ਹੈ। ਉਨ੍ਹਾਂ ਨੂੰ ਅਜਿਹੀ ਬਿਆਨਬਾਜ਼ੀ ਕਰਨ ਤੋਂ ਪਹਿਲਾਂ ਸੋਚਣਾ ਚਾਹੀਦਾ ਹੈ। ਯੂਥ ਆਗੂਆਂ ਕਿਹਾ ਕਿ ਬਿੱਟੂ ਸੱਤਾ ਦੀ ਕੁਰਸੀ ਦੇ ਲਾਲਚ ’ਚ ਇਹੋ ਜਿਹੇ ਬਿਆਨ ਦੇ ਰਿਹਾ ਹੈ, ਉਨ੍ਹਾਂ ਨੂੰ ਰਾਹੁਲ ਗਾਂਧੀ ਜਿਹੇ ਲੀਡਰਾਂ ਖ਼ਿਲਾਫ਼ ਬਿਆਨ ਦੇਣ ਦਾ ਕੋਈ ਅਧਿਕਾਰ ਨਹੀਂ ਹੈ।
ਆਗੂਆਂ ਕਿਹਾ ਕਿ ਲੁਧਿਆਣਾ ਦੇ ਲੋਕਾਂ ਨੇ ਬਿੱਟੂ ਨੂੰ ਬੁਰੀ ਤਰ੍ਹਾਂ ਨਾਲ ਨਕਾਰਿਆ ਹੈ, ਉਨ੍ਹਾਂ ਨੂੰ ਸੋਚਣਾ ਚਾਹੀਦਾ ਹੈ ਕਿ ਇਹ ਜੋ ਅੱਜ ਮੰਤਰੀ ਵਾਲੀ ਕੁਰਸੀ ਮਿਲੀ ਹੈ, ਇਹ ਲੋਕਾਂ ਦੇ ਫ਼ਤਵੇ ਨਾਲ ਨਹੀਂ, ਦਿੱਲੀ ਵਾਲਿਆਂ ਦੀ ਚਮਚਾਗਿਰੀ ਕਰਕੇ ਮਿਲੀ ਹੈ।
ਇਸ ਮੌਕੇ ਰਾਜਿੰਦਰ ਬੇਰੀ ਪ੍ਰਧਾਨ ਜ਼ਿਲ੍ਹਾ ਕਾਂਗਰਸ ਕਮੇਟੀ ਸ਼ਹਿਰੀ, ਅਸ਼ਵਨ ਭੱਲਾ ਸੀਨੀਅਰ ਮੀਤ ਪ੍ਰਧਾਨ ਜ਼ਿਲ੍ਹਾ ਕਾਂਗਰਸ ਕਮੇਟੀ ਦਿਹਾਤੀ, ਹਨੀ ਜੋਸ਼ੀ ਸਕੱਤਰ ਪੰਜਾਬ ਯੂਥ ਕਾਂਗਰਸ, ਰਣਦੀਪ ਸਿੰਘ ਲੱਕੀ ਸੰਧੂ ਪ੍ਰਧਾਨ ਜ਼ਿਲ੍ਹਾ ਕਾਂਗਰਸ ਕਮੇਟੀ ਸ਼ਹਿਰੀ, ਬੋਬ ਮਲੋਹਤਰਾ, ਸ਼ਿਵਮ ਪਾਠਕ, ਸੰਦੀਪ ਨਿੱਝਰ, ਰਾਘਵ ਜੈਨ, ਸਰਪ੍ਰੀਤ ਸਰੀਹ, ਸੋਨੀ ਗੁਰਾਇਆ, ਵਿਸ਼ੂ ਦਿਆਲ, ਬਲਰਾਜ ਠਾਕੁਰ, ਨਿਸ਼ਾਂਤ ਘਈ, ਲੱਕੀ ਸੋਂਧੀ, ਰਾਹੁਲ ਧੀਰ, ਅਨਿਲ ਆਬਾਦਪੁਰਾ, ਰਣਦੀਪ ਸੂਰੀ, ਆਲਮ ਚੁਗਿੱਟੀ ਤੇ ਹਰਮੀਤ ਸਿੰਘ ਮੌਜੂਦ ਸਨ।