ਦੀਪਕ, ਸਚਿਨ ਤੇ ਪ੍ਰੀਤਰਾਜ ਵਿੱਚੋਂ ਹੋਵੇਗੀ ਯੂਥ ਕਾਂਗਰਸ ਦੇ ਪ੍ਰਧਾਨ ਦੀ ਚੋਣ

ਚੰਡੀਗੜ੍ਹ

ਚੰਡੀਗੜ੍ਹ ਯੂਥ ਕਾਂਗਰਸ ਦੀਆਂ ਚੋਣਾਂ ਦੇ ਨਤੀਜੇ ਅੱਜ ਦੇਰ ਸ਼ਾਮ ਐਲਾਨੇ ਗਏ ਹਨ। ਇਸ ਵਿੱਚ ਦੀਪਕ ਕੁਮਾਰ, ਸਚਿਨ ਗਾਲਵ ਤੇ ਪ੍ਰੀਤਰਾਜ ਸਿੰਘ ਕੰਗ ਦੀ ਚੋਣ ਪ੍ਰਧਾਨਗੀ ਦੇ ਉਮੀਦਵਾਰ ਵਜੋਂ ਕੀਤੀ ਗਈ ਹੈ। ਦੇਰ ਰਾਤ ਆਏ ਚੋਣ ਨਤਿਜਿਆਂ ਵਿੱਚ ਦੀਪਕ ਕੁਮਾਰ ਨੂੰ 11259, ਸਚਿਨ ਗਾਲਵ ਨੂੰ 10573 ਅਤੇ ਪ੍ਰੀਤਰਾਜ ਸਿੰਘ ਕੰਗ ਨੂੰ 2297 ਵੋਟਾਂ ਪਈਆਂ ਹਨ। ਹੁਣ ਇਨ੍ਹਾਂ ਤਿੰਨਾਂ ਉਮੀਦਵਾਰਾਂ ਵਿੱਚੋਂ ਇਕ ਨੂੰ ਪਾਰਟੀ ਹਾਈਕਮਾਂਡ ਵੱਲੋਂ ਚੰਡੀਗੜ੍ਹ ਯੂਥ ਕਾਂਗਰਸ ਦਾ ਪ੍ਰਧਾਨ ਥਾਪਿਆ ਜਾਵੇਗਾ। ਇਸ ਤੋਂ ਇਲਾਵਾ ਅਤਿੰਦਰਜੀਤ ਸਿੰਘ ਰੋਬੀ, ਕਰੁਨਾ, ਸੁਖਦੇਵ ਸਿੰਘ ਰਾਮਗੜ੍ਹੀਆ, ਭਾਨੂੰ ਪ੍ਰਿਆ ਅਤੇ ਸੰਜੀਵ ਕੁਮਾਰ ਦੀ ਚੋਣ ਮੀਤ ਪ੍ਰਧਾਨ ਵਜੋਂ ਕੀਤੀ ਗਈ ਹੈ। ਇਨ੍ਹਾਂ ਚੋਣਾਂ ਦੌਰਾਨ ਸੰਦੀਪ, ਅਕਾਸ਼ ਰਾਣਾ, ਕਪਿਲ ਚੌਪੜਾ, ਵਿਕਰਮ ਸਿੰਘ, ਰਿਆਜ਼, ਸੁਖਦੇਵ ਸਿੰਘ, ਵਿਸ਼ਾਲ, ਦੀਪਕ, ਯਤਿਨ ਮਹਿਤਾ, ਮਾਧਵੀ ਦੂਬੇ, ਆਸਿਫ਼ ਘਈ, ਲਵਲੀ ਸਿੰਘ, ਮੁਹੰਮਦ ਮਨਜ਼ੂਰ, ਸੁਨੀਲ ਯਾਦਵ, ਹਰਸਿਮਰਨ, ਖੁਸ਼ਬੂ, ਡਾ. ਅਰਦਾਸ ਸੰਧੂ, ਰਮਨ ਅਤੇ ਸ਼ੁਭਮ ਦੀ ਚੋਣ ਜਨਰਲ ਸਕੱਤਰ ਵਜੋਂ ਕੀਤੀ ਗਈ ਹੈ। -ਟ੍ਰਿਬਿਊਨ ਨਿਊਜ਼ ਸਰਵਿਸ