ਸੜਕ ਹਾਦਸੇ ਵਿੱਚ ਯੋਗ ਮਾਸਟਰ ਦੀ ਮੌਤ

ਪੱਤਰ ਪ੍ਰੇਰਕ
ਕਾਲਾਂਵਾਲੀ, 19 ਅਕਤੂਬਰ
ਪਿੰਡ ਕਰਮਗੜ੍ਹ ਨੇੜੇ ਕੰਬਾਈਨ ਅਤੇ ਮੋਟਰਸਾਈਕਲ ਦੀ ਟੱਕਰ ਵਿੱਚ ਸਿਰਸਾ ਦੇ ਸਰਕਾਰੀ ਹਸਪਤਾਲ ਵਿੱਚ ਕੰਮ ਕਰਦੇ ਯੋਗ ਮਾਸਟਰ ਦੀ ਮੌਤ ਹੋ ਗਈ। ਪੁਲੀਸ ਨੇ ਕੰਬਾਈਨ ਡਰਾਈਵਰ ਦੇ ਖਿਲਾਫ਼ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਜਾਣਕਾਰੀ ਅਨੁਸਾਰ ਪਿੰਡ ਫਤਿਹਪੁਰ ਨਿਆਮਤ ਖਾਂ ਵਾਸੀ ਮਾਂਗੇ ਰਾਮ ਸਿਰਸਾ ਦੇ ਸਰਕਾਰੀ ਹਸਪਤਾਲ ਵਿੱਚ ਆਯੂਸ਼ ਵਿਭਾਗ ਵਿੱਚ ਯੋਗ ਮਾਸਟਰ ਦੇ ਰੂਪ ਵਿੱਚ ਨੌਕਰੀ ਕਰਦਾ ਸੀ। ਮਾਂਗੇ ਰਾਮ ਆਪਣੇ ਦੋਸਤ ਧਰਮਪਾਲ ਵਾਸੀ ਭਾਗਸਰ ਨਾਲ ਮੋਟਰਸਾਈਕਲ ’ਤੇ ਸਵਾਰ ਹੋ ਕੇ ਖੂਈਆਂ ਮਲਕਾਣਾ ਤੋਂ ਸਿਰਸਾ ਵੱਲ ਆ ਰਿਹਾ ਸੀ ਕਿ ਪਿੰਡ ਕਰਮਗੜ੍ਹ ਦੇ ਕੋਲ ਸਾਹਮਣੇ ਤੋਂ ਆ ਰਹੀ ਕੰਬਾਈਨ ਨੇ ਮੋਟਰ ਸਾਈਕਲ ਨੂੰ ਟੱਕਰ ਮਾਰ ਦਿੱਤੀ ਤੇ ਕੰਬਾਈਨ ਦਾ ਟਾਇਰ ਮਾਂਗੇ ਰਾਮ ਦੇ ਉਪਰੋਂ ਲੰਘ ਗਿਆ।