ਲੇਖਕ ਬਲਜੀਤ ਪਾਲ ਸਿੰਘ ਦਾ ਗਜ਼ਲ ਸੰਗ੍ਰਹਿ ਲੋਕ ਅਰਪਣ
09:00 AM Apr 12, 2024 IST
Advertisement
ਬਲਜੀਤ ਸਿੰਘ
ਸਰਦੂਲਗੜ੍ਹ, 11 ਅਪਰੈਲ
ਸਾਹਿਤਕਾਰ ਬਲਜੀਤਪਾਲ ਸਿੰਘ ਦਾ ਪੰਜਵਾਂ ਗਜ਼ਲ ਸੰਗ੍ਰਹਿ ‘ਰੁੱਤ ਕਰੁੱਤ’ ਮਾਲਵਾ ਕਾਲਜ ਸਰਦੂਲੇਵਾਲਾ ਵਿਖੇ ਇਕ ਸਾਦਾ ਸਮਾਗਮ ਦੌਰਾਨ ਲੋਕ ਅਰਪਣ ਕੀਤਾ ਗਿਆ। ਇਸ ਮੌਕੇ ਸੰਸਥਾ ਦੇ ਚੇਅਰਮੈਨ ਜਤਿੰਦਰ ਸਿੰਘ ਸੋਢੀ ਨੇ ਕਿਹਾ ਕਿ ਸ਼ਾਇਰ ਨੇ ਇਸ ਗਜ਼ਲ ਪੁਸਤਕ ਵਿਚ ਸਮਾਜ ਦੇ ਹਰ ਵਰਗ ਤੇ ਪੱਖ ਦੀ ਗੱਲ ਬਹੁਤ ਚੰਗੇ ਢੰਗ ਨਾਲ ਕੀਤੀ ਹੈ। ਸਮਾਜਿਕ ਬੁਰਾਈਆਂ ਤੇ ਢੁਕਵਾਂ ਵਿਅੰਗ ਹੈ। ਜਿਸ ਦੇਸ਼, ਕੌਮ ਦਾ ਸਾਹਿਤ ਸਿਹਤਮੰਦ ਹੋਵੇ ਹੈ ਉੱਥੇ ਹੀ ਨਰੋਏ ਤੇ ਸਿਹਤਮੰਦ ਸਮਾਜ ਦੀ ਸਿਰਜਣਾ ਹੋ ਸਕਦੀ ਹੈ। ਇਸੇ ਲਈ ਕਿਹਾ ਜਾਂਦਾ ਹੈ ਕਿ ਸਿਹਤਮੰਦ ਸਾਹਿਤ ਇਕ ਸਿਹਤਮੰਦ ਸਮਾਜ ਦਾ ਪ੍ਰਤੀਕ ਹੁੰਦਾ ਹੈ। ਪੰਜਾਬੀ ਲੈਕਚਰਾਰ ਮੈਡਮ ਸਿੰਬਲਪਾਲ, ਬੀਏ ਫਾਈਨਲ ਦੀ ਵਿਦਿਆਰਥਣ ਕਮਲਜੀਤ ਕੌਰ ਨੇ ਵੀ ਸਾਹਿਤ ਰਚਨਾ ਸਬੰਧੀ ਵਿਚਾਰ ਸਾਂਝੇ ਕੀਤੇ। ਇਸ ਮੌਕੇ ਸੰਸਥਾ ਦੇ ਮੈਨੇਜ਼ਿੰਗ ਡਾਇਰੈਕਟਰ ਰਾਜ ਸੋਢੀ, ਲੈਕਚਰਾਰ ਜਸਪਾਲ ਕੌਰ, ਰਕਸ਼ਾ ਰਾਣੀ, ਰੇਖਾ ਰਾਣੀ, ਅਮਨਦੀਪ ਕੋਰ , ਆਸ਼ੂ ਸਿੰਗਲਾ, ਗੁਰਦੀਪ ਸਿੰਘ, ਚਰਨਜੀਤ ਸਿੰਘ ਹਾਜ਼ਰ ਸਨ।
Advertisement
Advertisement