ਲੇਖਕ ਤੇ ਆਲੋਚਕ ਜਸਬੀਰ ਕੇਸਰ ਦਾ ਦੇਹਾਂਤ

ਟ੍ਰਿਬਿਊਨ ਨਿਊਜ਼ ਸਰਵਿਸ
ਚੰਡੀਗੜ੍ਹ, 5 ਨਵੰਬਰ
ਪੰਜਾਬੀ ਦੀ ਪ੍ਰਸਿੱਧ ਲੇਖਕ, ਆਲੋਚਕ, ਅਧਿਆਪਕਾ ਤੇ ਸਮੀਖਿਅਕ ਡਾ. ਜਸਬੀਰ ਕੇਸਰ ਦਾ ਅੱਜ ਦੇਹਾਂਤ ਹੋ ਗਿਆ। ਡਾ. ਜਸਬੀਰ ਕੇਸਰ ਨੇ ਦੋ ਕਾਵਿ ਸੰਗ੍ਰਹਿ, ਵਾਰਤਕ ਪੁਸਤਕ ਤੋਂ ਇਲਾਵਾ ਪੰਜ ਕਿਤਾਬਾਂ ਆਲੋਚਨਾ ਦੀਆਂ ਲਿਖੀਆਂ ਹਨ। ਉਹ ਮਰਹੂਮ ਡਾ. ਕੇਸਰ ਸਿੰਘ ਦੀ ਪਤਨੀ ਸਨ। ਡਾ. ਜਸਬੀਰ ਕੇਸਰ ਦਾ ਅੰਤਿਮ ਸਸਕਾਰ 6 ਨਵੰਬਰ ਨੂੰ ਸਵੇਰੇ 11.30 ਵਜੇ ਚੰਡੀਗੜ੍ਹ ਦੇ ਸੈਕਟਰ-25 ਸਥਿਤ ਸ਼ਮਸ਼ਾਨਘਾਟ ਵਿੱਚ ਕੀਤਾ ਜਾਵੇਗਾ। ਉਨ੍ਹਾਂ ਦੇ ਦੇਹਾਂਤ ’ਤੇ ਪ੍ਰਗਤੀਸ਼ੀਲ ਲੇਖਕ ਸੰਘ ਤੇ ਪੁਆਧੀ ਪੰਜਾਬੀ ਸੱਥ ਮੁਹਾਲੀ ਦੇ ਸਮੂਹ ਮੈਂਬਰਾਂ ਨੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।