ਵਿਸ਼ਵ ਕੱਪ: ਦੱਖਣੀ ਅਫ਼ਰੀਕਾ ਨੇ ਸ੍ਰੀਲੰਕਾ ਨੂੰ 102 ਦੌੜਾਂ ਨਾਲ ਹਰਾਇਆ

ਨਵੀਂ ਦਿੱਲੀ, 7 ਅਕਤੂਬਰ
ਦੱਖਣੀ ਅਫਰੀਕਾ ਨੇ ਕ੍ਰਿਕਟ ਵਿਸ਼ਵ ਕੱਪ ਦੇ ਲੀਗ ਮੁਕਾਬਲੇ ਵਿਚ ਅੱਜ ਸ੍ਰੀਲੰਕਾ ਨੂੰ 102 ਦੌੜਾਂ ਦੀ ਸ਼ਿਕਸਤ ਦਿੱਤੀ। ਦੱਖਣੀ ਅਫ਼ਰੀਕਾ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਕੁਇੰਟਨ ਡੀਕੌਕ (84 ਗੇਂਦਾਂ ’ਤੇ 100), ਡੁਸੇਨ (110 ਗੇਂਦਾਂ ’ਤੇ 108) ਤੇ ਮਾਰਕਰਾਮ (54 ਗੇਂਦਾਂ ’ਤੇ 106) ਦੀਆਂ ਸੈਂਕੜੇ ਵਾਲੀਆਂ ਪਾਰੀਆਂ ਦੀ ਬਦੌਲਤ ਪੰਜ ਵਿਕਟਾਂ ਦੇ ਨੁਕਸਾਨ ਨਾਲ 428 ਦੌੜਾਂ ਬਣਾਈਆਂ ਸਨ, ਜੋ ਵਿਸ਼ਵ ਕੱਪ ਦਾ ਨਵਾਂ ਰਿਕਾਰਡ ਹੈ। ਮਾਰਕਰਾਮ ਨੇ 49 ਗੇਂਦਾਂ ’ਤੇ ਵਿਸ਼ਵ ਕੱਪ ਦੇ ਇਤਿਹਾਸ ਦਾ ਸਭ ਤੋਂ ਤੇਜ਼ ਸੈਂਕੜਾ ਜੜਿਆ। ਸ੍ਰੀਲੰਕਾ ਦੀ ਟੀਮ ਟੀਚੇ ਦਾ ਪਿੱਛਾ ਕਰਦਿਆਂ 44.5 ਓਵਰਾਂ ਵਿੱਚ 326 ਦੌੜਾਂ ਹੀ ਬਣਾ ਸਕੀ। ਸ੍ਰੀਲੰਕਾ ਲਈ ਚਰਿਤ ਅਸਾਲੰਕਾ ਨੇ 79, ਕੁਸਲ ਮੈਂਡਿਸ ਨੇ 76 ਤੇ ਕਪਤਾਨ ਦਾਸੁਨ ਸ਼ਨਾਕਾ ਨੇ 68 ਦੌੜਾਂ ਦੀ ਪਾਰੀ ਖੇਡੀ। ਅਫਰੀਕਾ ਲਈ ਗੇਰਾਲਡ ਕੋਇਟਜ਼ੀ ਨੇ ਸਭ ਤੋਂ ਵੱਧ ਤਿੰਨ ਵਿਕਟ ਲਏ।