ਦੇਸ਼ ਭਗਤ ’ਵਰਸਿਟੀ ’ਚ ਤੰਦੂਰ ’ਤੇ ਬਣੇ ਪਕਵਾਨਾਂ ਬਾਰੇ ਵਰਕਸ਼ਾਪ
ਅਮਲੋਹ: ਦੇਸ਼ ਭਗਤ ਯੂਨੀਵਰਸਿਟੀ, ਮੰਡੀ ਗੋਬਿੰਦਗੜ੍ਹ ਦੇ ਸਕੂਲ ਆਫ ਹੋਟਲ ਮੈਨੇਜਮੈਂਟ ਐਂਡ ਟੂਰਿਜ਼ਮ, ਇੰਸਟੀਚਿਊਟ ਇਨੋਵੇਸ਼ਨ ਕੌਂਸਲ ਅਤੇ ਐਨਐਸਐਸ ਵਿੰਗ ਨੇ ਸਾਂਝੇ ਤੌਰ ’ਤੇ ਤੰਦੂਰ ਦੇ ਸੁਆਦਾਂ ਅਤੇ ਐਥਨਿਕ ਬੇਵਰਜਿਜ਼ ਬਾਰੇ ਵਰਕਸ਼ਾਪ ਕਰਵਾਈ। ਇਸ ਦਾ ਵਿਸ਼ਾ ‘ਰੋਸਟ ਐਨ ਸਿਪ’ ਉੱਤੇ ਆਧਾਰਤਿ ਸੀ। ਵਰਕਸ਼ਾਪ ਦਾ ਮੁੱਖ ਉਦੇਸ਼ ਵਿਦਿਆਰਥੀਆਂ ਨੂੰ ਤੰਦੂਰ ਦੇ ਵੱਖ-ਵੱਖ ਪਕਵਾਨਾਂ ਅਤੇ ਐਥਨਿਕ ਬੇਵਰਜਿਜ਼ ਵਾਲੇ ਪਦਾਰਥ ਤਿਆਰ ਕਰਨ ਵਿੱਚ ਹੁਨਰਮੰਦ ਕਰਨਾ ਸੀ। ਇਸ ਮੌਕੇ ਸ਼ੈੱਫ (ਡਾ.) ਅਮਨ ਸ਼ਰਮਾ ਅਤੇ ਰਿੰਕੂ ਸਿੰਘ ਮੁੱਖ ਬੁਲਾਰੇ ਵਜੋਂ ਸ਼ਾਮਲ ਹੋਏ। ਸਕੂਲ ਆਫ ਹੋਟਲ ਮੈਨੇਜਮੈਂਟ ਦੇ ਮੁਖੀ ਅਮਤਿ ਸਚਦੇਵਾ ਨੇ ਕਿਹਾ ਕਿ ਅਜਿਹੀਆਂ ਵਰਕਸ਼ਾਪਾਂ ਦਾ ਮਨੋਰਥ ਵਿਦਿਆਰਥੀਆਂ ਵਿੱਚ ਉੱਦਮੀ ਮਾਨਸਿਕਤਾ ਪੈਦਾ ਕਰਨਾ ਹੈ। ਡਾ. ਜੇਕੇ ਸ਼ਰਮਾ ਡਾਇਰੈਕਟਰ ਆਈਈਡੀਸੀ ਨੇ ਵਿਦਿਆਰਥੀਆਂ ਦਾ ਨਵੇਂ ਸਟਾਰਟਅਪ ਲਈ ਯੂਨੀਵਰਸਿਟੀ ਵਿੱਚ ਉਪਲਬਧ ਵੱਖ-ਵੱਖ ਹੈਂਡਹੋਲਡਿੰਗ ਸਕੀਮਾਂ ਬਾਰੇ ਵੀ ਮਾਰਗਦਰਸ਼ਨ ਕੀਤਾ। ਇਸ ਮੌਕੇ ਡਾ. ਐਲਐਸ ਬੇਦੀ, ਡਾ. ਆਰਕੇ ਸੋਨੀ ਅਤੇ ਡਾ. ਐਚਕੇ ਸਿੱਧੂ, ਰਾਕੇਸ਼ ਅਹਲਾਵਤ, ਦਿਲਮਨਪ੍ਰੀਤ, ਸੰਨੀ ਅਤੇ ਡਾ. ਮਨਪ੍ਰੀਤ ਆਦਿ ਹਾਜ਼ਰ ਸਨ। -ਪੱਤਰ ਪ੍ਰੇਰਕ