ਔਰਤ ਦੀ ਚੇਨੀ ਝਪਟੀ

ਫਗਵਾੜਾ: ਇਥੋਂ ਦੇ ਪਲਾਹੀ ਰੋਡ ’ਤੇ ਮੋਟਰਸਾਈਕਲ ਸਵਾਰ ਲੁਟੇਰੇ ਇੱਕ ਮਹਿਲਾ ਦੇ ਗਲੇ ਵਿਚੋਂ ਸੋਨੇ ਦੀ ਚੇਨੀ ਝਪਟ ਕੇ ਫ਼ਰਾਰ ਹੋ ਗਏ। ਆਸ਼ੂ ਸ਼ਰਮਾ ਵਾਸੀ ਤੰਬਾਕੂ ਕੁੱਟਾ ਨੇ ਦੱਸਿਆ ਕਿ ਉਹ ਪਲਾਹੀ ਰੋਡ ’ਤੇ ਆਪਣੀ ਪਤਨੀ ਨਾਲ ਆਪਣੇ ਬੱਚੇ ਦੇ ਸਕੂਲ ਦੀ ਫ਼ੀਸ ਦੇਣ ਜਾ ਰਹੇ ਸਨ। ਉਸਦੀ ਪਤਨੀ ਸ਼ਿਵਾਨੀ ਸ਼ਰਮਾ ਮੋਟਰਸਾਈਕਲ ਦੇ ਪਿੱਛੇ ਬੈਠੇ ਸੀ। ਇਸ ਦੌਰਾਨ ਪਲਾਹੀ ਰੋਡ ’ਤੇ ਦੋ ਮੋਟਰਸਾਈਕਲ ਸਵਾਰ ਨੌਜਵਾਨ ਆਏ ਅਤੇ ਉਸਦੀ ਪਤਨੀ ਦੇ ਗਲੇ ’ਚ ਪਾਈ ਸੋਨੇ ਦੀ ਚੇਨੀ ਝਪਟ ਕੇ ਫ਼ਰਾਰ ਹੋ ਗਏ। ਇਸ ਨਾਲ ਉਸਦੇ ਗੰਭੀਰ ਸੱਟ ਵੀ ਲੱਗੀ। ਘਟਨਾ ਦੀ ਸੂਚਨਾ ਪੁਲੀਸ ਨੂੰ ਦਿੱਤੀ ਗਈ ਹੈ। -ਪੱਤਰ ਪ੍ਰੇਰਕ