ਹਾਦਸੇ ਵਿੱਚ ਔਰਤ ਹਲਾਕ, ਦੋ ਜ਼ਖ਼ਮੀ

ਟੋਹਾਣਾ: ਇੱਥੇ ਸੜਕ ਕਿਨਾਰੇ ਖੜ੍ਹੀ ਪਿਕਅੱਪ ਜੀਪ ਵਿੱਚ ਮੋਟਰਸਾਈਕਲ ਟਕਰਾਉਣ ਕਾਰਨ ਵਾਪਰੇ ਹਾਦਸੇ ਵਿੱਚ ਇਕ ਔਰਤ ਦੀ ਮੌਤ ਹੋ ਗਈ ਅਤੇ ਦੋ ਜਣੇ ਜ਼ਖ਼ਮੀ ਹੋ ਗਏ। ਮ੍ਰਿਤਕ ਔਰਤ ਦੀ ਪਛਾਣ ਕੁਸ਼ੱਲਿਆ ਦੇਵੀ ਵਜੋਂ ਹੋਈ ਹੈ ਤੇ ਜ਼ਖ਼ਮੀਆਂ ਬਿੱਟੂ ਤੇ ਉਸ ਦੀ ਭਰਜਾਈ ਸੁਰਜੀਤ ਕੌਰ ਨੂੰ ਸਰਕਾਰੀ ਹਸਪਤਾਲ ਭੁੂਨਾ ਵਿੱਚ ਮੁੱਢਲੀ ਸਹਾਇਤਾ ਤੋਂ ਬਾਅਦ ਅਗਰੋਹਾ ਰੈਫ਼ਰ ਕਰ ਦਿੱਤਾ ਹੈ। ਜਾਣਕਾਰੀ ਅਨੁਸਾਰ ਮੋਟਰਸਾਈਕਲ ਚਾਲਕ ਬਿੱਟੂ ਆਪਣੀ ਭਰਜਾਈ ਸੁਰਜੀਤ ਕੌਰ ਤੇ ਮਾਂ ਕੁਸ਼ੱਲਿਆ ਦੇਵੀ ਨਾਲ ਅਯਾਲਕੀ ਤੋਂ ਆਪਣੇ ਪਿੰਡ ਲੈਹਰੀਆਂ ਵੱਲ ਆ ਰਹੇ ਸਨ। ਕੁਲਾਂ-ਲੈਹਰੀਆਂ ਰੋਡ ’ਤੇ ਸਾਹਮਣੇ ਤੋਂ ਆ ਰਹੇ ਵਾਹਨ ਦੀ ਲਾਈਟ ਬਿੱਟੁੂ ਦੀਆਂ ਅੱਖਾਂ ਵਿੱਚ ਪੈਣ ਮਗਰੋਂ ਉਸ ਦਾ ਮੋਟਰਸਾਈਕਲ ਸੜਕ ਕੰਢੇ ਖੜ੍ਹੀ ਪਿਕਅੱਪ ਨਾਲ ਟਕਰਾ ਗਿਆ ਤੇ ਤਿੰਨੇ ਜਣੇ ਡਿੱਗ ਗਏ। ਕੁਸ਼ੱਲਿਆ ਦੇਵੀ ਦੀ ਮੌਕੇ ’ਤੇ ਮੌਤ ਹੋ ਗਈ, ਜਦੋਂ ਕਿ ਦੋਹਾਂ ਨੂੰ ਅਗਰੋਹਾ ਰੈਫ਼ਰ ਕਰ ਦਿੱਤਾ। -ਪੱਤਰ ਪ੍ਰੇਰਕ