ਓਲੰਪਿਕ ਤਗ਼ਮਾ ਜਿੱਤਣ ਤੱਕ ਖੇਡ ਤੋਂ ਸੰਨਿਆਸ ਨਹੀਂ ਲਵਾਂਗੀ: ਦੀਪਿਕਾ

ਪੈਰਿਸ: ਲਗਾਤਾਰ ਚਾਰ ਓਲੰਪਿਕ ਵਿੱਚ ਨਾਕਾਮ ਰਹੀ ਕਈ ਵਾਰ ਦੀ ਵਿਸ਼ਵ ਕੱਪ ਤਗ਼ਮਾ ਜੇਤੂ ਤੀਰਅੰਦਾਜ਼ ਦੀਪਿਕਾ ਕੁਮਾਰੀ ਨੇ ਕਿਹਾ ਕਿ ਉਹ ਪੋਡੀਅਮ ’ਤੇ ਪਹੁੰਚਣ ਤੱਕ ਖੇਡ ਨੂੰ ਅਲਵਿਦਾ ਨਹੀਂ ਕਹੇਗੀ ਅਤੇ ਉਸ ਨੂੰ ਲੱਗਦਾ ਹੈ ਕਿ ਚਾਰ ਸਾਲ ਬਾਅਦ ਲਾਂਸ ਏਂਜਲਸ ਵਿੱਚ ਉਹ ਅਜਿਹਾ ਕਰਨ ਵਿੱਚ ਕਾਮਯਾਬ ਹੋਵੇਗੀ। ਦੀਪਿਕਾ ਨੇ ਇੱਥੇ ਇੰਡੀਆ ਹਾਊਸ ਵਿੱਚ ਗੱਲਬਾਤ ਦੌਰਾਨ ਕਿਹਾ, ‘‘ਯਕੀਨੀ ਤੌਰ ’ਤੇ ਮੈਂ ਭਵਿੱਖ ਵਿੱਚ ਹੋਰ ਖੇਡਣਾ ਚਾਹੁੰਦੀ ਹਾਂ ਅਤੇ ਆਪਣੀ ਖੇਡ ਜਾਰੀ ਰੱਖਾਂਗੀ।’’ ਦੀਪਿਕਾ ਨੇ ਕਿਹਾ, ‘‘ਮੈਂ ਓਲੰਪਿਕ ਤਗ਼ਮਾ ਜਿੱਤਣਾ ਚਾਹੁੰਦੀ ਹਾਂ ਅਤੇ ਜਦੋਂ ਤੱਕ ਮੈਂ ਇਸ ਨੂੰ ਹਾਸਲ ਨਹੀਂ ਕਰ ਲੈਂਦੀ, ਉਦੋਂ ਤੱਕ ਮੈਂ ਇਹ ਖੇਡ ਨਹੀਂ ਛੱਡਾਂਗੀ। ਮੈਂ ਸਖ਼ਤ ਮਿਹਨਤ ਕਰਾਂਗੀ ਅਤੇ ਮਜ਼ਬੂਤੀ ਨਾਲ ਵਾਪਸੀ ਕਰਾਂਗੀ।’’ -ਪੀਟੀਆਈ