2024 ਦੀਆਂ ਰਾਸ਼ਟਰਪਤੀ ਚੋਣਾਂ ਦੇ ਨਤੀਜੇ ਕਦੋਂ ਐਲਾਨੇ ਜਾਣਗੇ? ਜਾਣੋ ਪਿਛਲੇ ਨਤੀਜਿਆਂ ਦਾ ਵੇਰਵਾ

ਵਾਸ਼ਿੰਗਟਨ, 5 ਨਵੰਬਰ

US Elections 2024: ਪੂਰੀ ਦੁਨੀਆ ਦੀ ਨਜ਼ਰ ਅਮਰੀਕੀ ਰਾਸ਼ਟਰਪਤੀ ਚੋਣਾਂ ’ਤੇ ਹੈ, ਇਨ੍ਹਾਂ ਚੋਣਾਂ ਦਾ ਅਸਰ ਕਿਸੇ ਨਾ ਕਿਸੇ ਤਰੀਕੇ ਨਾਲ ਹਰ ਦੇਸ਼ ’ਤੇ ਪੈਂਦਾ ਜਿੰਨ੍ਹਾਂ ਵਿਚ ਭਾਰਤ ਵੀ ਇੱਕ ਹੈ। ਲੋਕ ਬੇਸਬਰੀ ਨਾਲ ਅਮਰੀਕੀ ਰਾਸ਼ਟਰਪਤੀ ਚੋਣਾਂ ਦੇ ਨਤੀਜੇ ਦੀ ਉਡੀਕ ਵਿੱਚ ਹਨ। 2024 ਅਮਰੀਕੀ ਰਾਸ਼ਟਰਪਤੀ ਚੋਣਾਂ ਦਾ ਨਤੀਜਾ ਮੰਗਲਵਾਰ ਨੂੰ ਪੋਲਿੰਗ ਖਤਮ ਹੋਣ ਤੋਂ ਕੁਝ ਘੰਟਿਆਂ ਬਾਅਦ ਬੁੱਧਵਾਰ ਸਵੇਰੇ ਆ ਸਕਦਾ ਹੈ, ਜਾਂ ਇਸ ਵਿੱਚ ਦਿਨ, ਹਫ਼ਤੇ ਅਤੇ ਮਹੀਨਾ ਵੀ ਲੱਗ ਸਕਦਾ ਹੈ। ਸੋਮਵਾਰ ਸਵੇਰ ਤੱਕ 78 ਮਿਲੀਅਨ ਤੋਂ ਵੱਧ ਅਮਰੀਕੀ ਵੋਟਰ ਪਹਿਲਾਂ ਹੀ ਆਪਣੀ ਵੋਟ ਪਾ ਚੁੱਕੇ ਸਨ।

ਪਿਛਲੀਆਂ ਚੋਣਾਂ ਦੇ ਵੇਰਵਿਆਂ ਅਨੁਸਾਰ 2016 ਵਿੱਚ ਵੋਟਿੰਗ 8 ਨਵੰਬਰ ਦੀ ਨੂੰ ਸ਼ਾਮ ਨੂੰ ਬੰਦ ਹੋ ਗਈ ਸੀ ਅਤੇ 9 ਨਵੰਬਰ ਨੂੰ ਦੁਪਹਿਰ 2:30 ਵਜੇ ਤੱਕ ਇਹ ਸਭ ਨਿੱਬੜ ਗਿਆ ਸੀ, ਜਿਸ ਵਿੱਚ ਟਰੰਪ ਨੇ 270 ਇਲੈਕਟੋਰਲ ਕਾਲਜ ਵੋਟਾਂ ਦੀ ਜਾਦੂਈ ਸੰਖਿਆ ਨੂੰ ਪਾਰ ਕਰਨ ਲਈ ਜੰਗ ਦੇ ਮੈਦਾਨ ਰਾਜ ਵਿਸਕਾਨਸਿਨ ਅਤੇ ਇਸਦੇ 10 ਇਲੈਕਟੋਰਲ ਕਾਲਜ ਦੀਆਂ ਵੋਟਾਂ ਜਿੱਤੀਆਂ ਸਨ।
2020 ਵਿੱਚ 3 ਨਵੰਬਰ ਦੀ ਸ਼ਾਮ ਨੂੰ ਪੋਲਿੰਗ ਖਤਮ ਹੋ ਗਈ ਸੀ ਪਰ ਰਾਸ਼ਟਰਪਤੀ ਜੋਅ ਬਿਡੇਨ ਨੂੰ ਪੈਨਸਿਲਵੇਨੀਆ ਲਈ 19 ਇਲੈਕਟੋਰਲ ਕਾਲਜ ਦੀਆਂ ਵੋਟਾਂ ਅਤੇ ਰਾਸ਼ਟਰਪਤੀ ਅਹੁਦੇ ਸੌਂਪਣ ਲਈ 7 ਨਵੰਬਰ ਤੱਕ ਉਡੀਕ ਕਰਨੀ ਪਈ। ਸਭ ਤੋਂ ਵੱਧ ਦੇਰੀ ਵਾਲੇ ਨਤੀਜਿਆਂ ਦਾ ਰਿਕਾਰਡ ਸਾਲ 2000 ਦੀਆਂ ਚੋਣਾਂ ਵਿੱਚ ਸੀ, ਜਦੋਂ ਦੇਸ਼ ਨੇ ਆਪਣੇ ਅਗਲੇ ਰਾਸ਼ਟਰਪਤੀ ਜਾਰਜ ਡਬਲਯੂ ਬੁਸ਼ ਨੂੰ ਲੱਭਣ ਲਈ ਇੱਕ ਮਹੀਨੇ ਤੋਂ ਵੱਧ ਉਡੀਕ ਕੀਤੀ। ਵੋਟਿੰਗ 7 ਨਵੰਬਰ ਨੂੰ ਖਤਮ ਹੋਈ ਅਤੇ ਰਾਜ ਦੇ ਨਤੀਜੇ 12 ਦਸੰਬਰ ਨੂੰ ਸਾਹਮਣੇ ਆਏ। ਦੱਸਣਯੋਗ ਹੈ ਕਿ ਰਾਸ਼ਟਰਪਤੀ ਦੀ ਚੋਣ ਦਾ ਕੰਮ ਰਾਸ਼ਟਰੀ ਵੋਟ ਦੇ ਕੁੱਲ ਦੁਆਰਾ ਨਹੀਂ ਬਲਕਿ ਜਿੱਤੇ ਗਏ ਇਲੈਕਟੋਰਲ ਕਾਲਜ ਦੀਆਂ ਵੋਟਾਂ ਵੱਲੋਂ ਨਿਪਟਾਇਆ ਜਾਂਦਾ ਹੈ।

ਹੈਰਿਸ ਅਤੇ ਟਰੰਪ ਨੂੰ ਜਿੱਤਣ ਲਈ 538 ਇਲੈਕਟੋਰਲ ਕਾਲਜ ਵੋਟਾਂ ਵਿੱਚੋਂ ਘੱਟੋ-ਘੱਟ 270 ਦੀ ਲੋੜ ਹੈ। ਹਰੇਕ ਰਾਜ ਨੂੰ ਕਈ ਇਲੈਕਟੋਰਲ ਕਾਲਜ ਵੋਟ ਦਿੱਤੇ ਗਏ ਹਨ ਜੋ ਕਿ ਯੂਐੱਸ ਦੇ ਪ੍ਰਤੀਨਿਧੀ ਸਭਾ ਅਤੇ ਸੈਨੇਟ ਨੂੰ ਭੇਜੇ ਗਏ ਮੈਂਬਰਾਂ ਦੀ ਸੰਖਿਆ ਦਾ ਕੁੱਲ ਹੈ; ਸੈਨੇਟ ਦੀ ਗਿਣਤੀ ਹਰ ਰਾਜ ਲਈ ਇੱਕੋ ਜਿਹੀ ਹੈ, ਦੋ-ਦੋ।

ਪੋਲਿੰਗ ਦਾ ਸਮਾਪਤੀ ਸਮਾਂ ਰਾਜ ਤੋਂ ਰਾਜ ਅਤੇ ਇੱਥੋਂ ਤੱਕ ਕਿ ਰਾਜ ਦੇ ਅੰਦਰ ਕਾਉਂਟੀ ਤੋਂ ਕਾਉਂਟੀ ਤੱਕ ਅਤੇ ਕਈ ਵਾਰ ਉਸੇ ਕਾਉਂਟੀ ਵਿੱਚ ਸ਼ਹਿਰ ਦਰ ਸ਼ਹਿਰ ਵਿੱਚ ਵੀ ਵੱਖਰਾ ਹੋ ਸਕਦਾ ਹੈ।

ਜੇਕਰ ਪੋਲਿੰਗ 8 ਵਜੇ ਬੰਦ ਹੋ ਜਾਂਦੀ ਹੈ ਤਾਂ ਜੋ ਕੋਈ ਵੀ ਲਾਈਨ ਵਿੱਚ ਹੈ ਉਹ ਆਪਣੀ ਵੋਟ ਪਾਵੇਗਾ, ਭਾਵੇਂ ਇਸ ਵਿੱਚ ਕਿੰਨਾ ਸਮਾਂ ਲੱਗੇ। ਇਸ ਵੇਲੇ 55 ਮਿਲੀਅਨ ਤੋਂ ਵੱਧ ਰਜਿਸਟਰਡ ਵੋਟਰਾਂ ਦੇ ਨਾਲ ਸ਼ੁਰੂਆਤੀ ਵੋਟਿੰਗ ਚੱਲ ਰਹੀ ਹੈ ਜਾਂ ਵੋਟਰ ਪੋਲਿੰਗ ਸਟੇਸ਼ਨ ’ਤੇ ਵਿਅਕਤੀਗਤ ਤੌਰ ’ਤੇ ਅਤੇ ਪੋਸਟਲ ਬੈਲਟ ਰਾਹੀਂ ਪਹਿਲਾਂ ਹੀ ਆਪਣੀ ਵੋਟ ਪਾ ਚੁੱਕੇ ਹਨ। ਆਈਏਐੱਨਐੱਸ

US Elections 2024