ਜਦੋਂ ਅਰਿਜੀਤ ਨੇ ਅਨੁਸ਼ਕਾ ਨੂੰ ਤਸਵੀਰ ਖਿਚਵਾਉਣ ਲਈ ਬੇਨਤੀ ਕੀਤੀ

ਮੁੰਬਈ: ਭਾਰਤ-ਪਾਕਿਸਤਾਨ ਮੈਚ ਦੌਰਾਨ ਬੌਲੀਵੁਡ ਗਾਇਕ ਅਰਿਜੀਤ ਸਿੰਘ ਪੇਸ਼ਕਾਰੀ ਦੇਣ ਪੁੱਜੇ। ਇਸ ਮੈਚ ਦੌਰਾਨ ਉਨ੍ਹਾਂ ਬੌਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਨੂੰ ਤਸਵੀਰ ਖਿਚਵਾਉਣ ਦੀ ਬੇਨਤੀ ਕੀਤੀ, ਜਿਸ ਤੋਂ ਬਾਅਦ ਅਨੁਸ਼ਕਾ ਨੇ ਜੇਤੂ ਅੰਦਾਜ਼ ਵਿੱਚ ਫੋਟੋਆਂ ਖਿਚਵਾਈਆਂ ਜੋ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ। ਜ਼ਿਕਰਯੋਗ ਹੈ ਕਿ ਆਈਸੀਸੀ ਵਿਸ਼ਵ ਕੱਪ ਦਾ ਭਾਰਤ ਤੇ ਪਾਕਿਸਤਾਨ ਦਰਮਿਆਨ ਮੈਚ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਹੋਇਆ ਜਿਸ ਵਿਚ ਭਾਰਤ ਨੇ ਪਾਕਿਸਤਾਨ ’ਤੇ ਸੱਤ ਵਿਕਟਾਂ ਨਾਲ ਜਿੱਤ ਦਰਜ ਕੀਤੀ। ਇਸ ਮੈਚ ਵਿਚ ਭਾਰਤੀ ਕ੍ਰਿਕਟ ਖਿਡਾਰੀ ਤੇ ਆਪਣੀ ਪਤੀ ਵਿਰਾਟ ਕੋਹਲੀ ਦੀ ਹੌਸਲਾ ਅਫਜ਼ਾਈ ਕਰਨ ਲਈ ਅਨੁਸ਼ਕਾ ਸ਼ਰਮਾ ਵੀ ਪੁੱਜੀ। ਇਸ ਮੈਚ ਦੌਰਾਨ ਪੈਵੇਲੀਅਨ ਵਿਚ ਅਰਿਜੀਤ ਅਤੇ ਅਨੁਸ਼ਕਾ ਵੱਖ-ਵੱਖ ਥਾਈਂ ਬੈਠੇ ਹੋਏ ਸਨ। ਇਸ ਦੌਰਾਨ ਅਰਿਜੀਤ ਨੇ ਇਸ਼ਾਰੇ ਨਾਲ ਅਨੁਸ਼ਕਾ ਨੂੰ ਤਸਵੀਰ ਖਿਚਵਾਉਣ ਲਈ ਕਿਹਾ ਤੇ ਅਨੁਸ਼ਕਾ ਨੇ ਨਿਮਰਤਾ ਤੇ ਮੁਸਕਰਾਹਟ ਨਾਲ ਜੇਤੂ ਨਿਸ਼ਾਨ ਬਣਾ ਕੇ ਤਸਵੀਰਾਂ ਖਿਚਵਾਈਆਂ। ਇਸ ਵੀਡੀਓ ਨੂੰ ਐਕਸ ’ਤੇ ਗਾਇਕ ਦੇ ਇੱਕ ਫੈਨ ਨੇ ਅਪਲੋਡ ਕੀਤਾ ਹੈ। -ਆਈਏਐੱਨਐੱਸ