ਨਵੇਂ ਵਿਦਿਆਰਥੀਆਂ ਦਾ ਆਗਾਜ਼-ਏ-ਮਹਿਫ਼ਲ ਨਾਲ ਸਵਾਗਤ

ਮੰਡੀ ਗੋਬਿੰਦਗੜ੍ਹ

ਦੇਸ਼ ਭਗਤ ਯੂਨੀਵਰਸਿਟੀ ਦੇ ਫਿਜ਼ੀਓਥੈਰੇਪੀ ਵਿਭਾਗ ਨੇ ਨਵੇਂ ਵਿਦਿਆਰਥੀਆਂ ਦਾ ਸਵਾਗਤ ਅਤੇ ਨਵੇਂ ਅਕਾਦਮਿਕ ਸਾਲ ਦੀ ਸ਼ੁਰੂਆਤ ਫਰੈਸ਼ਰਜ਼ ਫਿਏਸਟਾ ਨਾਲ ਕੀਤੀ। ਵਿਦਿਆਰਥੀ, ਫੈਕਲਟੀ ਅਤੇ ਸਟਾਫ਼ ਨੇ ਮੌਜ-ਮਸਤੀ, ਖੇਡਾਂ ਅਤੇ ਦੋਸਤੀ ਦੀ ਦੁਪਹਿਰ ਦਾ ਆਨੰਦ ਮਾਣਿਆ। ਇਸ ਦਾ ਉਦਘਾਟਨ ਚਾਂਸਲਰ ਡਾ. ਜ਼ੋਰਾ ਸਿੰਘ ਅਤੇ ਪ੍ਰੋ ਚਾਂਸਲਰ ਡਾ. ਤਜਿੰਦਰ ਕੌਰ ਨੇ ਕੀਤਾ। ਵਿਦਿਆਰਥੀਆਂ ਨੇ ਆਪੋ ਆਪਣੀ ਕਲਾ ਦਾ ਪ੍ਰਦਰਸ਼ਨ ਕੀਤਾ। ਇਸ ਮੌਕੇ ਸਰੋਤਿਆਂ ਲਈ ਇੰਟਰਐਕਟਿਵ ਗੇਮਜ਼ ਜਿਵੇਂ ਕਿ ਬੈਲੂਨ ਡਾਂਸ, ਲੜਕੀਆਂ ਲਈ ਸਾੜੀ ਪਹਿਨਣ ਦੇ ਮੁਕਾਬਲੇ ਅਤੇ ਬੈਲੂਨ ਰੇਸ ਵੀ ਕਰਵਾਈ ਗਈ। ਇਸ ਮੌਕੇ ਪਵਨਜੋਤ ਕੌਰ ਮਿਸ ਫਰੈਸ਼ਰਜ਼ ਤੇ ਪ੍ਰਿੰਸ ਨੂੰ ਮਿਸਟਰ ਫਰੈਸ਼ਰਜ਼ ਚੁਣਿਆ ਗਿਆ। ਉਪਰੰਤ ਕੇਕ ਕੱਟਣ ਦੀ ਰਸਮ ਹੋਈ। -ਨਿੱਜੀ ਪੱਤਰ ਪ੍ਰੇਰਕ