ਸੌ ਮੀਟਰ ਦੌੜ ’ਚ ਵਜ਼ੀਰ ਸਿੰਘ ਅੱਵਲ

ਪੱਤਰ ਪ੍ਰੇਰਕ
ਸ਼ਹਿਣਾ, 28 ਨਵੰਬਰ
ਕਸਬੇ ਸ਼ਹਿਣਾ ਦੇ ਦੌੜਾਕ ਵਜ਼ੀਰ ਸਿੰਘ ਨੇ ਮਾਸਟਰ ਅਥਲੈਟਿਕਸ ਖੇਡਾਂ ਦੇ 100 ਮੀਟਰ ਮੁਕਾਬਲੇ ’ਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਹੈ। ਇਹ ਖੇਡਾਂ ਮਸਤੂਆਣਾ ਸਾਹਿਬ ਵਿੱਚ ਹੋਈਆਂ ਸਨ। ਵਜ਼ੀਰ ਸਿੰਘ ਨੇ ਪੋਲ ਵਾਲਟ ’ਚ ਵੀ ਦੂਜਾ ਸਥਾਨ ਹਾਸਲ ਕੀਤਾ ਹੈ। ਕਸਬੇ ਸ਼ਹਿਣਾ ਦੇ ਹੀ ਡਾਕਟਰ ਨਛੱਤਰ ਸਿੰਘ ਸੰਧੂ ਨੇ 400 ਮੀਟਰ ਦੌੜ ’ਚ ਸੂਬੇ ਭਰ ’ਚੋਂ ਦੂਸਰਾ ਸਥਾਨ ਪ੍ਰਾਪਤ ਕੀਤਾ ਹੈ। ਵਜ਼ੀਰ ਪਹਿਲਾਂ ਵੀ ਨੈਸ਼ਨਲ ਪੱਧਰ ’ਤੇ ਕਈ ਵਾਰੀ ਨਾਮਣਾ ਖੱਟ ਚੁੱਕਿਆ ਹੈ ਅਤੇ ਸੋਨ ਤਗ਼ਮੇ ਜਿੱਤ ਚੁੱਕਿਆ ਹੈ।