ਦੇਸ਼ ਭਗਤ ਰੇਡੀਓ ਤੇ ਸਟੇਟ ਬੈਂਕ ਵੱਲੋਂ ਵਾਕਥੌਨ

ਚੰਡੀਗੜ੍ਹ: ਦੇਸ਼ ਭਗਤ ਰੇਡੀਓ ਐਫ ਐਮ 107.8 ਆਪ ਕੀ ਆਵਾਜ਼ ਅਤੇ ਸਟੇਟ ਬੈਂਕ ਆਫ਼ ਇੰਡੀਆ ਅਫ਼ੀਸਰਜ਼ ਐਸੋਸੀਏਸ਼ਨ ਅਤੇ ਦੇਸ਼ ਭਗਤ ਗਲੋਬਲ ਸਰਵਿਸਜ਼ ਵੱਲੋਂ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਨੂੰ ਸਮਰਪਿਤ ਵਾਕਥੌਨ ਕਰਵਾਈ ਗਈ। ਇਸ ਮੌਕੇ ਐੱਸਬੀਆਈ ਦੇ ਚੀਫ ਜਨਰਲ ਮੈਨੇਜਰ ਵਿਨੋਦ ਜੈਸਵਾਲ ਮੁੱਖ ਮਹਿਮਾਨ ਤੇ ਦੇਸ਼ ਭਗਤ ਰੇਡੀਓ ਦੀ ਸਟੇਸ਼ਨ ਹੈੱਡ ਸੰਗਮਿਤ੍ਰਾ ਵਿਸ਼ੇਸ਼ ਮਹਿਮਾਨ ਸਨ। ਵਾਕਥਨ ਨੂੰ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕਰਨ ਤੋਂ ਪਹਿਲਾਂ ਵਿਨੋਦ ਜੈਸਵਾਲ ਨੇ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਦੀ ਮਹੱਤਤਾ ਬਾਰੇ ਚਾਨਣਾ ਪਾਇਆ ਅਤੇ ਬੈਂਕ ਵੱਲੋਂ ਮਹਿਲਾਵਾਂ ਦੀ ਭਲਾਈ ਲਈ ਚਲਾਈਆਂ ਜਾ ਰਹੀਆਂ ਸਕੀਮਾਂ ਤੋਂ ਜਾਣੂ ਕਰਵਾਇਆ। -ਟਨਸ