ਦੇਸ਼ ਭਗਤ ਰੇਡੀਓ ਤੇ ਸਟੇਟ ਬੈਂਕ ਇੰਡੀਆ ਵੱਲੋਂ ਵਾਕਥੌਨ

ਚੰਡੀਗੜ੍ਹ

ਦੇਸ਼ ਭਗਤ ਰੇਡੀਓ ਤੇ ਸਟੇਟ ਬੈਂਕ ਆਫ਼ ਇੰਡੀਆ ਨੇ ਸਵੱਛਤਾ ਹੀ ਸੇਵਾ-2024 ਨੂੰ ਸਮਰਪਿਤ ਵਾਕਥੌਨ ਕਰਵਾਈ ਗਈ। ਇਸ ਮੌਕੇ ਐੱਸਬੀਆਈ ਦੇ ਚੀਫ਼ ਜਨਰਲ ਮੈਨੇਜਰ ਕ੍ਰਿਸ਼ਨ ਕੁਮਾਰ ਨੇ ਮੁੱਖ ਮਹਿਮਾਨ ਅਤੇ ਡੀਬੀਯੂ ਦੇ ਡਾ. ਤਜਿੰਦਰ ਕੌਰ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਸ੍ਰੀ ਕ੍ਰਿਸ਼ਨ ਕੁਮਾਰ ਨੇ ਸਵੱਛਤਾ ਹੀ ਸੇਵਾ ਤੇ ਸੰਸਕਾਰ ਸਵੱਛਤਾ ਦੀ ਮਹੱਤਤਾ ਬਾਰੇ ਚਾਨਣਾ ਪਾਇਆ ਅਤੇ ਬੈਂਕ ਵੱਲੋਂ ਦੇਸ਼ ਵਿੱਚ ਸਵੱਛਤਾ ਲਈ ਚਲਾਈਆਂ ਜਾ ਰਹੀਆਂ ਸਕੀਮਾਂ ਬਾਰੇ ਜਾਣਕਾਰੀ ਦਿੱਤੀ। ਦੇਸ਼ ਭਗਤ ਯੂਨੀਵਰਸਿਟੀ ਦੇ ਤਜਿੰਦਰ ਕੌਰ ਨੇ ਕਿਹਾ ਕਿ ਭਾਰਤ ਦੇ ਹਰੇਕ ਨਾਗਰਿਕ ਨੂੰ ਆਪਣੇ ਆਲੇ-ਦੁਆਲੇ ਦੀ ਸਫਾਈ ਅਤੇ ਆਪਣੇ ਆਪ ਨੂੰ ਫਿੱਟ ਰੱਖਣ ਦੀ ਜ਼ਿੰਮੇਵਾਰੀ ਲੈਣੀ ਚਾਹੀਦੀ ਹੈ। ­-ਟਨਸ