ਵਜੀਦੜੀ ਬਣੇ ਟੌਹੜਾ ਕਬੱਡੀ ਕੱਪ ਦੇ ਪ੍ਰਧਾਨ; ਰਜਵਾੜਾ ਬਣੇ ਸਰਪ੍ਰਸਤ

ਨਿੱਜੀ ਪੱਤਰ ਪ੍ਰੇਰਕ
ਨਾਭਾ, 20 ਸਤੰਬਰ
ਰੋਟਰੀ ਕਲੱਬ ਨਾਭਾ ਵਿੱਚ ਜਥੇਦਾਰ ਗੁਰਚਰਨ ਸਿੰਘ ਟੌਹੜਾ ਚੈਰੀਟੇਬਲ ਟਰੱਸਟ ਅਤੇ ਟੌਹੜਾ ਕਬੱਡੀ ਕੱਪ ਦੇ ਅਹੁਦੇਦਾਰਾਂ ਦੀ ਹੋਈ ਚੋਣ ਮਗਰੋਂ ਟੌਹੜਾ ਦੀ ਯਾਦ ਅਤੇ ਨਾਭਾ ਦਿਵਸ ਨੂੰ ਸਮਰਪਿਤ 22 ਸਤੰਬਰ ਨੂੰ 12ਵਾਂ ਖ਼ੂਨਦਾਨ ਕੈਂਪ ਲਾਉਣ ਦਾ ਫ਼ੈਸਲਾ ਕੀਤਾ ਗਿਆ ਹੈ। ਇਸ ਸਬੰਧੀ ਮੀਟਿੰਗ ਸ਼੍ਰੋਮਣੀ ਕਮੇਟੀ ਮੈਂਬਰ ਸਤਵਿੰਦਰ ਸਿੰਘ ਟੌਹੜਾ ਦੀ ਅਗਵਾਈ ਵਿੱਚ ਹੋਈ। ਜਾਣਕਾਰੀ ਮੁਤਾਬਕ ਸ਼ਰਨਜੀਤ ਸਿੰਘ ਰਜਵਾੜਾ ਨੂੰ ਟੌਹੜਾ ਕਬੱੱਡੀ ਕੱਪ ਦਾ ਸਰਪ੍ਰਸਤ, ਮਲਕੀਤ ਸਿੰਘ ਵਜੀਦੜੀ ਨੂੰ ਪ੍ਰਧਾਨ, ਰਾਜਿੰਦਰ ਸਿੰਘ ਗੋਲਡੀ ਚਾਸਵਾਲ ਨੂੰ ਸੀਨੀਅਰ ਮੀਤ ਪ੍ਰਧਾਨ, ਚਰਨਜੀਤ ਰਿੰਪੀ ਨੂੰ ਮੀਤ ਪ੍ਰਧਾਨ, ਅਮਰਿੰਦਰ ਖਹਿਰਾ ਨੂੰ ਜਨਰਲ ਸਕੱਤਰ ਜਦਕਿ ਸੁਖਬੀਰ ਹਾਂਸੀਆਂ ਨੂੰ ਕਾਨੂੰਨੀ ਸਲਾਹਕਾਰ ਚੁਣਿਆ ਗਿਆ ਹੈ।
ਕੈਂਪ ਦਾ ਉਦਘਾਟਨ ਗਿਆਨੀ ਸੁਲਤਾਨ ਸਿੰਘ ਜਥੇਦਾਰ ਤਖ਼ਤ ਸ੍ਰੀ ਕੇਸਗੜ੍ਹ ਸਾਹਿਬ ਸ੍ਰੀ ਅਨੰਦਪੁਰ ਸਾਹਿਬ ਕਰਨਗੇ। ਇਸ ਮੌਕੇ ਇੰਜ. ਜਸਤੇਜ ਟਿਵਾਣਾ, ਅਮਰਜੀਤ ਗੱਗੀ, ਸਾਬਕਾ ਚੇਅਰਮੈਨ ਬਲਦੇਵ ਗੁਰਦਿਤਪੁਰਾ, ਲਖਵਿੰਦਰ ਖੱਟੜਾ ਅਤੇ ਸਤਗੁਰ ਨਰਮਾਣਾ ਮੌਜੂਦ ਸਨ।