For the best experience, open
https://m.punjabitribuneonline.com
on your mobile browser.
Advertisement

ਚੋਣ ਜ਼ਾਬਤੇ ਦੀ ਉਲੰਘਣਾ: ਪੁਲੀਸ ਵੱਲੋਂ ਅੱਠ ਮੈਰਿਜ ਪੈਲੇਸਾਂ ਨੂੰ ਨੋਟਿਸ ਜਾਰੀ

07:11 AM Mar 30, 2024 IST
ਚੋਣ ਜ਼ਾਬਤੇ ਦੀ ਉਲੰਘਣਾ  ਪੁਲੀਸ ਵੱਲੋਂ ਅੱਠ ਮੈਰਿਜ ਪੈਲੇਸਾਂ ਨੂੰ ਨੋਟਿਸ ਜਾਰੀ
Advertisement

ਇਕਬਾਲ ਸਿੰਘ ਸ਼ਾਂਤ
ਲੰਬੀ, 29 ਮਾਰਚ
ਥਾਣਾ ਮੰਡੀ ਕਿੱਲਿਆਂਵਾਲੀ ਨੇ ਆਦਰਸ਼ ਚੋਣ ਜ਼ਾਬਤੇ ਦੇ ਹਵਾਲੇ ਨਾਲ ਮੈਰਿਜਾਂ ਪੈਲੇਸਾਂ ’ਚ ਉੱਚੀ ਆਵਾਜ਼ ਅਤੇ ਦੇਰ ਰਾਤ ਤੱਕ ਚੱਲਦੇ ਡੀ.ਜੇ. ਸਾਊਂਡ ਦੇ ਸ਼ੋਰ ਪ੍ਰਦੂਸ਼ਣ ਬਾਰੇ ਸਖ਼ਤ ਰੁਖ਼ ਅਪਣਾਇਆ ਹੈ। ਪੁਲੀਸ ਨੇ ਕਸਬੇ ਦੇ ਅੱਠ ਮੈਰਿਜ ਪੈਲੇਸਾਂ ਨੂੰ ਨੋਟਿਸ ਜਾਰੀ ਕੀਤੇ ਹਨ। ਨੋਟਿਸ ਮੁਤਾਬਕ ਮੈਰਿਜ ਪੈਲੇਸਾਂ ’ਚ ਡੀਜੇ ਸਾਊਂਡ ਚਲਾਉਣ ਲਈ ਡਿਪਟੀ ਕਮਿਸ਼ਨਰ ਸ੍ਰੀ ਮੁਕਤਸਰ ਸਾਹਿਬ ਤੋਂ ਮਨਜ਼ੂਰੀ ਲਿਆਉਣ ਹੋਵੇਗੀ ਤੇ ਇਸ ਮਨਜ਼ੂਰੀ ਮੁਤਾਬਕ ਨਿਰਧਾਰਤ ਪੈਰਾ-ਮੀਟਰ ਅਤੇ ਨਿਰਧਾਰਤ ਸਮੇਂ ਤਹਿਤ ਡੀ.ਜੇ. ਚਲਾਇਆ ਜਾ ਸਕੇਗਾ।
ਨੋਟਿਸ ਵਿੱਚ ਸਪੱਸ਼ਟ ਕੀਤਾ ਗਿਆ ਹੈ ਕਿ ਲੋਕ ਸਭਾ ਚੋਣਾਂ-2024 ਲਈ ਆਦਰਸ਼ ਚੋਣ ਜ਼ਾਬਤਾ ਲਾਗੂ ਹੋ ਚੁੱਕਾ ਹੈ। ਮੈਰੇਜਾਂ ਪੈਲਸਾਂ ਵਿੱਚ ਚੱਲਦੇ ਤੇਜ਼ ਆਵਾਜ਼ ਡੀ.ਜੇ. ਕਾਰਨ ਬਹੁਤ ਜ਼ਿਆਦਾ ਸ਼ੋਰ ਪ੍ਰਦੂਸ਼ਣ ਹੋ ਰਿਹਾ ਹੈ। ਅਜਿਹੇ ਵਿੱਚ ਚੋਣ ਕਮਿਸ਼ਨ ਵੱਲੋਂ ਸਮੇਂ-ਸਮੇਂ ’ਤੇ ਜਾਰੀ ਹੋਣ ਵਾਲੀਆਂ ਸੂਚਨਾਵਾਂ ਦੀ ਮੁਨਿਆਦੀ ਦੀ ਆਵਾਜ਼ ਆਮ ਜਨਤਾ ਤੱਕ ਨਹੀਂ ਪਹੁੰਚਦੀ। ਪੁਲੀਸ ਦਾ ਪੱਖ ਹੈ ਕਿ ਡੀ.ਜੇ. ਦੇ ਸ਼ੋਰ ਪ੍ਰਦੂਸ਼ਣ ਕਾਰਨ ਚੋਣ ਅਮਲੇ ਨੂੰ ਆਪਣੇ ਫਰਜ਼ ਨਿਭਾਉਣ ਅਤੇ ਜਨਤਾ ਤੱਕ ਹਦਾਇਤਾਂ ਪਹੁੰਚਾਉਣ ਵਿੱਚ ਦਿੱਕਤ ਆ ਰਹੀ ਹੈ।
ਥਾਣਾ ਕਿਲਿਆਂਵਾਲੀ ਦੇ ਮੁਖੀ ਬਲਰਾਜ ਸਿੰਘ ਨੇ ਕਿਹਾ ਨੋਟਿਸ ਦੀ ਉਲੰਘਣਾ ਹੋਣ ਅਤੇ ਡੀਜੇ ਦੇ ਸ਼ੋਰ ਪ੍ਰਦੂਸ਼ਣ ਦੀ ਸ਼ਿਕਾਇਤ/ਸੂਚਨਾ ਆਉਣ ’ਤੇ ਮੈਰਿਸ ਪੈਲੇਸਾਂ ’ਤੇ ਤੁਰੰਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।

Advertisement

Advertisement
Author Image

joginder kumar

View all posts

Advertisement
Advertisement
×