ਵੀਅਤਨਾਮ ਵੱਲੋਂ ਦੋ ਤੋਂ ਵੱਧ ਬੱਚੇ ਵਾਲੀ ਨੀਤੀ ਰੱਦ

ਹਨੋਈ: ਵੀਅਤਨਾਮ ਵੱਲੋਂ ਲੰਬੇ ਸਮੇਂ ਤੋਂ ਚੱਲੀ ਆ ਰਹੀ ਦੋ ਤੋਂ ਵੱਧ ਬੱਚੇ ਪੈਦਾ ਕਰਨ ਤੋਂ ਰੋਕਣ ਵਾਲੀ ਨੀਤੀ ਮੰਗਲਵਾਰ ਨੂੰ ਰੱਦ ਕਰ ਦਿੱਤੀ ਗਈ। ਇਹ ਕਦਮ ਘਟਦੀ ਜਨਮ ਦਰ, ਉਮਰਦਰਾਜ ਲੋਕਾਂ ਦੀ ਵਧ ਰਹੀ ਗਿਣਤੀ ਅਤੇ ਆਰਥਿਕ ਵਿਕਾਸ ਦਰ ’ਤੇ ਪੈ ਰਹੇ ਅਸਰ ਕਾਰਨ ਚੁੱਕਿਆ ਗਿਆ ਹੈ। ਸਰਕਾਰੀ ਮੀਡੀਆ ‘ਵੀਅਤਨਾਮ ਨਿਊਜ਼ ਏਜੰਸੀ’ ਨੇ ਬੁੱਧਵਾਰ ਨੂੰ ਦੱਸਿਆ ਕਿ ਕੌਮੀ ਅਸੈਂਬਲੀ ਨੇ ਉਹ ਨੇਮ ਖਤਮ ਕਰਨ ਲਈ ਸੋਧ ਕੀਤੀ ਹੈ ਜੋ ਪਰਿਵਾਰਾਂ ਨੂੰ ਦੋ ਤੋਂ ਵੱਧ ਬੱਚੇ ਪੈਦਾ ਕਰਨ ਤੋਂ ਰੋਕਦੇ ਹਨ। ਵੀਅਤਨਾਮ ਨੇ ਦੋ ਤੋਂ ਵੱਧ ਬੱਚੇ ਪੈਦਾ ਕਰਨ ਤੋਂ ਰੋਕਣ ਵਾਲਾ ਕਾਨੂੰਨ 1988 ’ਚ ਲਾਗੂ ਕੀਤਾ ਸੀ। ਇਹ ਨਿਯਮ ਆਮ ਤੌਰ ’ਤੇ ਕਮਿਊਨਿਸਟ ਪਾਰਟੀ ਮੈਂਬਰਾਂ ਲਈ ਵੱਧ ਸਖ਼ਤ ਸਨ ਕਿਉਂਕਿ ਤੀਜਾ ਬੱਚਾ ਹੋਣ ’ਤੇ ਉਨ੍ਹਾਂ ਨੂੰ ਤਰੱਕੀ ਤੇ ਬੋਨਸ ਤੋਂ ਵਾਂਝੇ ਰਹਿਣਾ ਪੈਂਦਾ ਸੀ। -ਪੀਟੀਆਈ