For the best experience, open
https://m.punjabitribuneonline.com
on your mobile browser.
Advertisement

ਅਮਰੀਕੀ ਫੌਜ ਵੱਲੋਂ ਇਸਲਾਮਿਕ ਸਟੇਟ ਦੇ ਅਤਿਵਾਦੀਆਂ ’ਤੇ ਹਵਾਈ ਹਮਲੇ

07:22 AM Feb 03, 2025 IST
ਅਮਰੀਕੀ ਫੌਜ ਵੱਲੋਂ ਇਸਲਾਮਿਕ ਸਟੇਟ ਦੇ ਅਤਿਵਾਦੀਆਂ ’ਤੇ ਹਵਾਈ ਹਮਲੇ
Advertisement

ਵਾਸ਼ਿੰਗਟਨ, 2 ਫਰਵਰੀ
ਅਮਰੀਕੀ ਫੌਜ ਨੇ ਸੋਮਾਲੀਆ ’ਚ ਇਸਲਾਮਿਕ ਸਟੇਟ (ਆਈਐੱਸ) ਦੇ ਅਤਿਵਾਦੀਆਂ ਖ਼ਿਲਾਫ਼ ਹਵਾਈ ਹਮਲੇ ਕੀਤੇ ਹਨ। ਰਾਸ਼ਟਰਪਤੀ ਡੋਨਲਡ ਟਰੰਪ ਦੇ ਦੂਜੇ ਕਾਰਜਕਾਲ ਦੌਰਾਨ ਅਫ਼ਰੀਕੀ ਮੁਲਕ ’ਤੇ ਇਹ ਪਹਿਲੇ ਹਮਲੇ ਹਨ। ਰੱਖਿਆ ਮੰਤਰੀ ਪੀਟ ਹੇਗਸੇਠ ਨੇ ਸ਼ਨਿਚਰਵਾਰ ਨੂੰ ਕਿਹਾ ਕਿ ਟਰੰਪ ਦੇ ਨਿਰਦੇਸ਼ਾਂ ’ਤੇ ਅਮਰੀਕੀ-ਅਫ਼ਰੀਕੀ ਕਮਾਂਡ ਵੱਲੋਂ ਇਹ ਹਮਲੇ ਕੀਤੇ ਗਏ ਹਨ। ਪੈਂਟਾਗਨ ਦੇ ਮੁੱਢਲੇ ਸੰਕੇਤਾਂ ਮੁਤਾਬਕ ਹਮਲੇ ’ਚ ਕਈ ਅਤਿਵਾਦੀ ਮਾਰੇ ਗਏ ਹਨ। ਟਰੰਪ ਨੇ ਸੋਸ਼ਲ ਮੀਡੀਆ ਪੋਸਟ ’ਤੇ ਕਿਹਾ ਕਿ ਅਪਰੇਸ਼ਨ ਦੌਰਾਨ ਆਈਐੱਸ ਦੇ ਸਾਜ਼ਿਸ਼ਘਾੜਿਆਂ ਹੋਰਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ। ਟਰੰਪ ਨੇ ਕਿਹਾ ਕਿ ਉਨ੍ਹਾਂ ਗੁਫਾਵਾਂ ਨੂੰ ਨਸ਼ਟ ਕਰ ਦਿੱਤਾ ਗਿਆ ਹੈ ਜਿਥੇ ਅਤਿਵਾਦੀ ਲੁਕੇ ਹੋਏ ਸਨ।
ਟਰੰਪ ਨੇ ਜੋਅ ਬਾਇਡਨ ’ਤੇ ਵਰ੍ਹਦਿਆਂ ਕਿਹਾ ਕਿ ਉਨ੍ਹਾਂ ਤੁਰੰਤ ਕੋਈ ਕਾਰਵਾਈ ਨਹੀਂ ਕੀਤੀ ਸੀ ਪਰ ਹੁਣ ਆਈਐੱਸ ਸਮਝ ਲਏ ਕਿ ਜੇ ਅਮਰੀਕੀਆਂ ’ਤੇ ਕੋਈ ਹਮਲਾ ਹੋਇਆ ਤਾਂ ਉਨ੍ਹਾਂ ਨੂੰ ਲੱਭ ਕੇ ਮਾਰ ਦਿੱਤਾ ਜਾਵੇਗਾ। -ਏਪੀ

Advertisement

Advertisement
Advertisement
Author Image

sukhwinder singh

View all posts

Advertisement