ਬਾਹਰੀ ਤਾਕਤਾਂ ਨੂੰ ਸੱਦਣ ਕਾਰਨ ਏਕਤਾ ਦੇ ਯਤਨਾਂ ਨੂੰ ਲੱਗੇਗਾ ਝਟਕਾ: ਰਾਜਨਾਥ

ਵਿਕਾਰਾਬਾਦ (ਤਿਲੰਗਾਨਾ), 15 ਅਕਤੂਬਰ
ਭਾਰਤ ਨਾਲ ਸਮੁੰਦਰੀ ਸਰਹੱਦ ਸਾਂਝੀ ਕਰਨ ਵਾਲੇ ਦੇਸ਼ਾਂ ਨੂੰ ਸੰਦੇਸ਼ ਦਿੰਦਿਆਂ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਅੱਜ ਕਿਹਾ ਕਿ ਸਮੁੰਦਰੀ ਸੁਰੱਖਿਆ ਇੱਕ ਸਮੂਹਿਕ ਯਤਨ ਹੈ ਅਤੇ ਬਾਹਰੀ ਤਾਕਤਾਂ ਨੂੰ ਦਰ ਤੱਕ ਸੱਦਣ ਕਾਰਨ ਏਕਤਾ ਦੇ ਯਤਨਾਂ ਨੂੰ ਝਟਕਾ ਲੱਗੇਗਾ। ਉਨ੍ਹਾਂ ਵਿਕਾਰਾਬਾਦ ਜ਼ਿਲ੍ਹੇ ਦੇ ਦਾਮਾਗੁੰਡਮ ਵਣ ਖੇਤਰ ਵਿੱਚ ਭਾਰਤੀ ਜਲ ਸੈਨਾ ਦੇ ਬਹੁਤ ਹੀ ਘੱਟ ਫਰੀਕੁਐਂਸੀ (ਵੀਐੱਲਐੱਫ) ਵਾਲੇ ਰਡਾਰ ਸਟੇਸ਼ਨ ਦਾ ਨੀਂਹ ਪੱਥਰ ਰੱਖਿਆ।
ਇਸ ਤੋਂ ਪਹਿਲਾਂ ਕੇਂਦਰੀ ਮੰਤਰੀ ਜੀ. ਕਿਸ਼ਨ ਰੈਡੀ ਨੇ ਪੱਤਰਕਾਰਾਂ ਨੂੰ ਕਿਹਾ ਕਿ ਤਿਲੰਗਾਨਾ ਲਈ ਮਾਣ ਵਾਲੀ ਗੱਲ ਹੈ ਕਿਉਂਕਿ ਇਹ ਦੇਸ਼ ਵਿੱਚ ਇਸ ਤਰ੍ਹਾਂ ਦਾ ਦੂਸਰਾ ਕੇਂਦਰ ਹੈ ਜੋ ਕੌਮੀ ਸੁਰੱਖਿਆ ਲਈ ਅਹਿਮ ਹੈ। -ਪੀਟੀਆਈ