ਚਾਚੇ ਵੱਲੋਂ ਨਾਬਾਲਗ ਭਤੀਜੀ ਨਾਲ ਜਬਰ-ਜਨਾਹ

ਪੱਤਰ ਪ੍ਰੇਰਕ
ਰਤੀਆ, 8 ਅਗਸਤ
ਰਤੀਆ ਸਦਰ ਥਾਣੇ ਹੇਠ ਆਉਣ ਵਾਲੀ ਨਾਗਪੁਰ ਪੁਲੀਸ ਚੌਕੀ ਦੇ ਇਕ ਪਿੰਡ ਵਿੱਚ ਚਾਚੇ ਨੇ ਆਪਣੀ ਨਬਾਲਗ ਭਤੀਜੀ ਨਾਲ ਜਬਰ-ਜਨਾਹ ਕੀਤਾ। ਪੁਲੀਸ ਨੇ ਨਾਬਾਲਗਾ ਦੀ ਮਾਂ ਦੇ ਬਿਆਨ ’ਤੇ ਮੁਲਜ਼ਮ ਖਿਲਾਫ਼ ਕੇਸ ਦਰਜ ਕਰ ਲਿਆ ਹੈ। ਪੀੜਤ ਔਰਤ ਨੇ ਪੁਲੀਸ ਨੂੰ ਦੱਸਿਆ ਕਿ ਇਸੇ ਸਾਲ ਜਨਵਰੀ ਮਹੀਨੇ ਵਿੱਚ ਜਦੋਂ ਉਹ ਦੋਵੇਂ ਪਤੀ-ਪਤਨੀ ਖੇਤ ਵਿੱੱਚ ਝੋਨੇ ਦੀ ਬਿਜਾਈ ਕਰਨ ਗਏ ਹੋਏ ਸਨ ਤਾਂ ਉਸ ਦੌਰਾਨ ਉਸ ਦੀ ਨਾਬਾਲਗ 12 ਸਾਲਾ ਲੜਕੀ ਘਰ ਵਿੱਚ ਹੀ ਰਹਿੰਦੀ ਸੀ। ਲੜਕੀ ਦੇ ਚਾਚਾ ਨੇ ਜਬਰਨ ਜਬਰ ਜਨਾਹ ਕਰ ਕੇ ਇਸ ਬਾਰੇ ਕਿਸੇ ਨੂੰ ਨਾ ਦੱਸਣ ਦੀ ਧਮਕੀ ਵੀ ਦਿੱਤੀ ਸੀ। ਧਮਕੀ ਦੇ ਡਰੋਂ ਹੀ ਉਸ ਦੀ ਬੇਟੀ ਨੇ ਕੁੱਝ ਨਹੀਂ ਦੱਸਿਆ ਸੀ ਪਰ ਹੁਣ ਜਉਸ ਦੀ ਤਬੀਅਤ ਵਿਗੜਨ ਲੱਗੀ ਤਾਂ ਉਸ ਨੇ ਪੂਰੀ ਦਾਸਤਾਂ ਦੱਸ ਦਿੱਤੀ ਸੀ। ਥਾਣਾ ਮੁਖੀ ਕੁਲਦੀਪ ਸਿੰਘ ਨੇ ਦੱਸਿਆ ਕਿ ਮੈਡੀਕਲ ਰਿਪੋਰਟ ਆਉਣ ਉਪਰੰਤ ਕਾਰਵਾਈ ਕੀਤੀ ਜਾਵੇਗੀ।