ਉਮੇਸ਼ ਸ਼ੁਕਲਾ ਦੀ ਫਿਲਮ ‘ਆਂਖ ਮਿਚੋਲੀ’ 27 ਅਕਤੂਬਰ ਨੂੰ ਹੋਵੇਗੀ ਰਿਲੀਜ਼

ਮੁੰਬਈ: ਨਿਰਦੇਸ਼ਕ ਉਮੇਸ਼ ਸ਼ੁਕਲਾ ਦੀ ਫਿਲਮ ‘ਆਂਖ ਮਿਚੋਲੀ’ 27 ਅਕਤੂਬਰ ਨੂੰ ਸਿਨੇਮਾ ਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਸੋਨੀ ਪਿਕਚਰਜ਼ ਦੇ ਇਸ ਪ੍ਰਾਜੈਕਟ ਵਿੱਚ ਮ੍ਰਿਣਾਲ ਠਾਕੁਰ, ਅਭਿਮੰਨਿਊ, ਪਰੇਸ਼ ਰਾਵਲ, ਸ਼ਰਮਨ ਜੋਸ਼ੀ, ਦਿਵਿਆ ਦੱਤਾ, ਅਭਿਸ਼ੇਕ ਬੈਨਰਜੀ, ਦਰਸ਼ਨ ਜਰੀਵਾਲਾ, ਗਰੁਸ਼ਾ ਕਪੂਰ ਅਤੇ ਵਿਜੈ ਰਾਜ਼ ਨਜ਼ਰ ਆਉਣਗੇ। ਇਸ ਫਿਲਮ ਦੀ ਕਹਾਣੀ ਇੱਕ ਵਿਆਹ ਦੁਆਲੇ ਘੁੰਮਦੀ ਹੈ। ‘ਓ ਮਾਈ ਗੌਡ’ ਅਤੇ ‘102 ਨਾਟ ਆਊਟ’ ਲਈ ਮਸ਼ਹੂਰ ਸ਼ੁਕਲਾ ਨੇ ਕਿਹਾ ਕਿ ‘ਆਂਖ ਮਿਚੋਲੀ’ ਇੱਕ ਪਰਿਵਾਰਕ ਫਿਲਮ ਹੈ। ਉਸ ਨੇ ਕਿਹਾ, ‘‘ਇਹ ਫਿਲਮ ਸਾਰਾ ਪਰਿਵਾਰ ਰਲ ਕੇ ਦੇਖ ਸਕਦਾ ਹੈ। ਆਸ ਹੈ ਕਿ ਫਿਲਮ ਨੂੰ ਸਾਡੀ ਉਮੀਦ ਅਨੁਸਾਰ ਪਿਆਰ ਮਿਲੇਗਾ।’’ ਇਸ ਫਿਲਮ ਦਾ ਨਿਰਮਾਣ ਸੋਨੀ ਪਿਕਚਰਜ਼ ਇੰਟਰਨੈਸ਼ਨਲ ਪ੍ਰੋਡਕਸ਼ਨ ਵੱਲੋਂ ਕੀਤਾ ਗਿਆ ਹੈ। -ਪੀਟੀਆਈ