ਮੀਂਹ ਨਾਲ ਦੋ ਮੰਜ਼ਿਲਾ ਦੁਕਾਨ ਢਹਿ-ਢੇਰੀ

ਭਗਵਾਨ ਦਾਸ ਸੰਦਲ
ਦਸੂਹਾ, 10 ਜੁਲਾਈ
ਇਥੇ ਪਿਛਲੇ ਤਿੰਨ ਦਨਿਾਂ ਤੋਂ ਪੈ ਰਹੇ ਭਾਈ ਮੀਂਹ ਨੇ ਜਿਥੇ ਹੜ੍ਹ ਵਾਲੀ ਸਥਿਤੀ ਪੈਦਾ ਕਰ ਦਿੱਤੀ ਹੈ, ਉਥੇ ਹੀ ਲੋਕਾਂ ਦਾ ਜਨ ਜੀਵਨ ਵੀ ਪ੍ਰਭਾਵਿਤ ਹੋਇਆ ਹੈ ਜਿਸ ਦੇ ਚੱਲਦਿਆਂ ਪੁਰਾਣੀ ਸਬਜ਼ੀ ਮੰਡੀ ਰੋਡ ’ਤੇ ਸਥਿਤ ਗਿਫਟ ਤੇ ਫੋਟੋ ਫਰੇਮ ਵਾਲੀ ਡਬਲ ਸਟੋਰੀ ਦੁਕਾਨ ਢਹਿ ਢੇਰੀ ਹੋ ਗਈ। ਇਸ ਦੌਰਾਨ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ ਪਰ ਦੁਕਾਨ ਅੰਦਰ ਪਿਆ ਸਾਰਾ ਸਾਮਾਨ ਨੁਕਸਾਨਿਆ ਗਿਆ। ਪੀੜਤ ਦੁਕਾਨਦਾਰ ਗੁਰਮੀਤ ਸਿੰਘ ਸ਼ੀਸ਼ਾ ਵਾਸੀ ਮੁਹੱਲਾ ਕਸਬਾ ਨੇ ਦੱਸਿਆ ਕਿ ਦੁਕਾਨ ਡਿੱਗਣ ਦੀ ਇਤਲਾਹ ਰਾਤ ਵੇਲੇ ਚੌਕੀਦਾਰ ਨੇ ਦਿੱਤੀ। ਜਦੋਂ ਮੌਕੇ ’ਤੇ ਆ ਕੇ ਦੇਖਿਆ ਤਾਂ ਦੁਕਾਨ ਅੰਦਰ ਪਿਆ ਕਰੀਬ 10 ਲੱਖ ਦਾ ਸਾਰਾ ਸਾਮਾਨ ਨੁਕਸਾਨਿਆ ਗਿਆ ਸੀ। ਦੂਜੇ ਪਾਸੇ ਹਲਕਾ ਵਿਧਾਇਕ ਐਡਵੋਕੇਟ ਕਰਮਬੀਰ ਘੁੰਮਣ ਨੇ ਬੇਟ ਇਲਾਕੇ ਵਿੱਚ ਹੜ੍ਹ ਸੰਭਾਵਿਤ ਪਿੰਡਾਂ ਦਾ ਦੌਰਾ ਕੀਤਾ ਅਤੇ ਪ੍ਰਸ਼ਾਸਨ ਵੱਲੋਂ ਹੜ੍ਹ ਰੋਕੂ ਪ੍ਰਬੰਧਾਂ ਦਾ ਜਾਇਜ਼ਾ ਲਿਆ।