ਗੀਤ ‘3600 ਸਿਆਪੇ’ ਨਾਲ ਛਾਈਆਂ ਦੋ ਭੈਣਾਂ

ਪੱਤਰ ਪ੍ਰੇਰਕ
ਖਰੜ, 25 ਜੁਲਾਈ

ਖਰੜ ਦੀ ਜੰਮਪਲ ਦੋ ਭੈਣਾਂ ਸ਼ੈਵਨਿ ਰੇਖੀ ਅਤੇ ਮਨਲੀਨ ਰੇਖੀ ਪੰਜਾਬੀ ਸਭਿਆਚਾਰ ਅਤੇ  ਕਲਾ ਦੇ ਵੱਖ-ਵੱਖ ਖੇਤਰਾਂ ’ਚ ਆਪਣਾ ਯੋਗਦਾਨ ਪਾ ਰਹੀਆਂ ਹਨ। ਪਿਛਲੇ ਸਮਿਆਂ ਵਿੱਚ ਜਿੱਥੇ  ਸ਼ੈਵਨਿ ਰੇਖੀ ਨੇ ਸੁਰਜੀਤ ਖਾਨ ਦੇ ਗੀਤਾਂ ‘ਦਿਲ ਦੀ ਕਿਤਾਬ’ ਅਤੇ ‘ਸਜ਼ਾ’ ਦੇ ਵੀਡੀਓ ਫ਼ਿਲਮਾਂ ਵਿਚ ਲਾਜਵਾਬ ਅਦਾਕਾਰੀ ਪੇਸ਼ ਕੀਤੀ, ਉਥੇ ਰਾਣਾ ਰਣਬੀਰ ਵਲੋਂ ਨਿਰਦੇਸ਼ਿਤ ਫਿਲਮ ‘ਅਸੀਸ’ ਵਿਚ ਵੀ ਬੇਹਤਰੀਨ ਭੂਮਿਕਾ ਅਦਾ ਕੀਤੀ। ਇੰਨੀ ਦਨਿੀਂ ਸ਼ੈਵਨਿ ਨੇ  ਆਪਣੀ ਹੋਮ ਪ੍ਰੋਡਕਸ਼ਨ ‘ਸ਼ੈਵਨਿ ਇੰਟਰਟੈਨਮੈਂਟ’ ਨਾਂ ਦੀ ਸੰਗੀਤਕ ਕੰਪਨੀ ਦਾ ਆਗਾਜ਼ ਕਰਦਿਆਂ ਆਪਣੀ ਭੈਣ ਮਨਲੀਨ ਰੇਖੀ ਦੀ ਆਵਾਜ਼ ਵਿਚ ਗੀਤ ‘3600 ਸਿਆਪੇ’ ਨੂੰ ਰਿਲੀਜ਼ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਮਨਲੀਨ ਰੇਖੀ ਪਿਛਲੇ ਕੁਝ ਸਾਲਾਂ ਤੋਂ ਗਾਇਕੀ ਖੇਤਰ ’ਚ ਸਰਗਰਮ ਹੈ।  ਇਸ ਗੀਤ ਨੂੰ ਸੇਰਾ ਰਾਣੀ ਵਾਲਾ ਨੇ ਲਿਖਿਆ ਹੈ। ਇਸ ਗੀਤ ਨੂੰ ਸੈਵਨਿ ਇੰਟਰਟੈਨਮੈਂਟ ਦੇ ਯੂ ਟਿਊਬ ਚੈਨਲ ’ਤੇ ਰਿਲੀਜ਼ ਕੀਤਾ ਗਿਆ।