ਪਾਰਕ ਦੇ ਬਾਹਰੋਂ ਦੋ‌ਸਕੂਟਰ ਚੋਰੀ

ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 7 ਅਕਤੂਬਰ
ਥਾਣਾ ਸਰਾਭਾ ਨਗਰ ਦੇ ਇਲਾਕੇ ਲੋਧੀ ਕਲੱਬ ਨੇੜੇ ਇੱਕ ਪਾਰਕ ਦੇ ਬਾਹਰੋਂ ਦੋ‌ ਸਕੂਟਰ ਅਣਪਛਾਤੇ ਵਿਅਕਤੀ ਚੋਰੀ ਕਰ ਕੇ ਲੈ ਗਏ ਹਨ।‌ ਇਸ ਸਬੰਧੀ ਆਦਰਸ਼ ਕਲੋਨੀ, ਬਾੜੇਵਾਲ ਰੋਡ ਵਾਸੀ ਧਰਮ ਪਾਲ ਜਿੰਦਲ ਨੇ ਦੱਸਿਆ ਹੈ ਕਿ ਉਸ ਨੇ ਆਪਣਾ ਸਕੂਟਰ ਮੈਸਟਰੋ ਅਤੇ ਇੱਕ ਐਕਟਿਵਾ ਹੀਰੋ ਹਾਂਡਾ ਲੋਧੀ ਕਲੱਬ ਦੇ ਨੇੜੇ ਪਾਰਕ ਦੇ ਗੇਟ ਦੇ ਸਾਹਮਣੇ ਤਾਲਾ ਲਗਾ ਕੇ ਖੜ੍ਹੇ ਕੀਤੇ ਸਨ ਜਿਨ੍ਹਾਂ ਨੂੰ ਅਣਪਛਾਤੇ ਵਿਅਕਤੀ ਚੋਰੀ ਕਰ ਕੇ ਲੈ ਗਏ ਹਨ। ਥਾਣੇਦਾਰ ਪਰਸ਼ੋਤਮ ਲਾਲ ਨੇ ਦੱਸਿਆ ਕਿ ਪੁਲੀਸ ਵੱਲੋਂ ਕੇਸ ਦਰਜ ਕਰ ਕੇ ਕਾਰਵਾਈ ਕੀਤੀ ਜਾ ਰਹੀ ਹੈ।