ਦਾਊਦ ਇਬਰਾਹਿਮ ਦੇ ਪਰਿਵਾਰਕ ਮੈਂਬਰਾਂ ਦੀਆਂ ਦੋ ਜਾਇਦਾਦਾਂ ਨਿਲਾਮ

ਮੁੰਬਈ, 5 ਜਨਵਰੀ
ਭਗੌੜੇ ਗੈਂਗਸਟਰ ਦਾਊਦ ਇਬਰਾਹਿਮ ਦੇ ਪਰਿਵਾਰ ਦੇ ਮੈਂਬਰਾਂ ਦੀਆਂ ਦੋ ਜਾਇਦਾਦਾਂ ਅੱਜ ਇੱਥੇ ਨਿਲਾਮੀ ਰਾਹੀਂ ਵੇਚੀਆਂ ਗਈਆਂ। ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਨਿਲਾਮੀ ਸਮੱਗਲਰਾਂ ਅਤੇ ਵਿਦੇਸ਼ੀ ਮੁਦਰਾ ਹੇਰਾ-ਫੇਰੀ (ਜਾਇਦਾਦ ਜ਼ਬਤ) ਐਕਟ ਤਹਿਤ ਸਮਰੱਥ ਅਥਾਰਟੀ ਦੁਆਰਾ ਕਰਵਾਈ ਗਈ ਸੀ। ਮਹਾਰਾਸ਼ਟਰ ਦੇ ਤੱਟੀ ਰਤਨਾਗਿਰੀ ਜ਼ਿਲ੍ਹੇ ਦੀ ਖੇੜ ਤਹਿਸੀਲ ਦੇ ਮੁੰਬਕੇ ਪਿੰਡ ਸਥਿਤ ਕੁੱਲ ਚਾਰ ਜਾਇਦਾਦਾਂ ਨਿਲਾਮੀ ਲਈ ਮੌਜੂਦ ਸੀ ਪਰ ਇਸ ਵਿੱਚੋਂ ਦੋ ਜਾਇਦਾਦਾਂ ਲਈ ਕੋਈ ਬੋਲੀ ਨਹੀਂ ਲੱਗੀ। ਹੋਰ ਦੋ ਜਾਇਦਾਦਾਂ ਲਈ ਕ੍ਰਮਵਾਰ ਚਾਰ ਅਤੇ ਤਿੰਨ ਜਣਿਆਂ ਨੇ ਬੋਲੀ ਲਗਾਈ ਅਤੇ ਇੱਕ ਹੀ ਵਿਅਕਤੀ ਨੇ ਉਨ੍ਹਾਂ ਦੋਵਾਂ ਲਈ ਸਫ਼ਲ ਬੋਲੀ ਲਾਈ। -ਪੀਟੀਆਈ