ਦੋ ਜਣੇ ਸ਼ਰਾਬ ਦੀਆਂ 344 ਨਾਜਾਇਜ਼ ਪੇਟੀਆਂ ਸਣੇ ਕਾਬੂ

ਪੱਤਰ ਪ੍ਰੇਰਕ

ਜਲੰਧਰ, 12 ਜੂਨ

ਸਥਾਨਕ ਪੁਲੀਸ ਨੇ ਦੋ ਨੌਜਵਾਨਾਂ ਨੂੰ 344 ਨਾਜਾਇਜ ਸ਼ਰਾਬ ਸਮੇਤ ਕਾਬੂ ਕੀਤਾ ਹੈ। ਥਾਣਾ ਡਵੀਜਨ ਨੰਬਰ 6 ਦੇ ਮੁਖੀ ਹਰਿੰਦਰ ਸਿੰਘ ਨੇ ਦੱਸਿਆ ਕਿ ਏਐਸਆਈ ਸਤਪਾਲ ਵਲੋਂ ਪੁਲੀਸ ਪਾਰਟੀ ਸਮੇਤ ਮੈਨਬਰੋ ਚੌਕ ਮਾਡਲ ਟਾਉੂਨ ਵਿਚ ਨਾਕਾ ਲਗਾਇਆ ਸੀ ਕਿ ਕਿਸੇ ਮੁਖਬਰ ਨੇ ਇਤਲਾਹ ਦਿੱਤੀ ਕਿ ਕਾਰ ਨੰਬਰੀ ਪੀਬੀ08 ਬੀ ਜੈਡ 5995 ਵਿਚ 2 ਨੌਜਵਾਨ ਜੋ ਕਿ ਨਾਜਾਇਜ਼ ਸ਼ਰਾਬ ਵੇਚਣ ਦਾ ਕੰਮ ਕਰਦੇ ਹਨ, ਰਵੀਦਾਸ ਚੌਂਕ ਤੋਂ ਮਾਡਲ ਟਾਉੂਨ ਵੱਲ ਆ ਰਹੇ ਹਨ। ਜਿਸ ‘ਤੇ ਕਾਰਵਾਈ ਕਰਦੇ ਹੋਏ ਪੁਲੀਸ ਟੀਮ ਨੂੰ ਉਕਤ ਕਾਰ ਨੂੰ ਨਾਕੇ ‘ਤੇ ਰੋਕ ਕੇ ਕਾਰ ਦੀ ਤਲਾਸ਼ੀ ਲਈ ਤਾਂ ਉਸ ਵਿਚੋਂ 15 ਪੇਟੀਆਂ ਪੰਜਾਬ ਮਾਰਕਾ ਇੰਮਪੀਰੀਅਲ ਬਲੀਓ ਤੇ ਮੈਕਡਾਵਲ ਨਜਾਇਜ਼ ਸ਼ਰਾਬ ਬਰਾਮਦ ਹੋਈ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੀ ਨਿਸ਼ਾਨਦੇਹੀ’ਤੇ 328 ਪੇਟੀਆਂ ਚੰਡੀਗੜ੍ਹ ਮਾਰਕਾ (999 ਪਾਵਰ ਸਟਾਰ ਵਿਸਕੀ, ਰਾਜਧਾਨੀ ਵਿਕਸੀ, ਨੈਇਨਾ ਵਿਕਸੀ) ਬਰਾਮਦ ਕੀਤੀ । ਕਾਰ ਵਿਚ ਸਵਾਰ ਨੌਜਵਾਨਾਂ ਦੀ ਪਛਾਣ ਜਤਿੰਦਰ ਕੁਮਾਰ ਪੁੱਤਰ ਵਿਨੋਦ ਕੁਮਾਰ ਵਾਸੀ ਬਸ਼ੀਰਪੁਰਾ ਜਲੰਧਰ ਅਤੇ ਤਰਲੋਕ ਸਿੰਘ ਪੁੱਤਰ ਗਿਆਨ ਸਿੰਘ ਵਾਸੀ ਦਤਾਰ ਨਗਰ ਰਾਮਾਂਮੰਡੀ ਜਲੰਧਰ ਵਜੋਂ ਹੋਈ ਹੈ। ਪੁਲੀਸ ਨੇ ਦੋਵਾਂ ਵਿਰੁੱਧ ਕੇਸ ਦਰਜ ਕਰ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।