ਗੱਡੀ ਥੱਲੇ ਆਉਣ ਕਾਰਨ ਦੋ ਨਾਬਾਲਗ ਹਲਾਕ

ਪੱਤਰ ਪ੍ਰੇਰਕ
ਲਹਿਰਾਗਾਗਾ, 24 ਮਈ
ਹਰਿਆਣਾ ਦੇ ਟੋਹਾਣਾ ਨੇੜੇ ਪੈਂਦੇ ਪਿੰਡ ਧਰੋਦੀ ਦੇ ਰੇਲਵੇ ਫਾਟਕ ਨੇੜੇ ਦੋ ਨਾਬਾਲਗ ਲੜਕਿਆਂ ਦੀ ਬੀਤੀ ਦੇਰ ਸ਼ਾਮ ਰੇਲ ਗੱਡੀ ਥੱਲੇ ਆਉਣ ਕਰਕੇ ਮੌਤ ਹੋ ਗਈ। ਇਨ੍ਹਾਂ ਵਿੱਚੋਂ ਇੱਕ ਨੌਜਵਾਨ ਮਨਪ੍ਰੀਤ ਸਿੰਘ (15) ਪੁੱਤਰ ਗੋਬਿੰਦ ਸਿੰਘ ਲਹਿਰਾਗਾਗਾ ਦੇ ਨੇੜਲੇ ਪਿੰਡਾਂ ਨੰਗਲਾ ਦਾ ਵਸਨੀਕ ਸੀ। ਪਰਿਵਾਰ ਅਨੁਸਾਰ ਮਨਪ੍ਰੀਤ ਸਿੰਘ ਰਿਸ਼ਤੇਦਾਰੀ ਵਿੱਚ ਹਰਿਆਣਾ ਦੇ ਪਿੰਡ ਲੋਚਵ ਵਿੱਚ ਇੱਕ ਵਿਆਹ ਸਮਾਗਮ ’ਚ ਸ਼ਾਮਲ ਹੋਣ ਗਿਆ ਸੀ। ਜਿਸ ਲੜਕੀ ਦਾ ਵਿਆਹ ਸੀ ਉਸ ਦਾ ਭਰਾ ਅਮਨਦੀਪ ਸਿੰਘ (16) ਤੇ ਮਨਪ੍ਰੀਤ ਸਿੰਘ ਮੋਟਰਸਾਈਕਲ ’ਤੇ ਵਿਆਹ ਲਈ ਸਾਮਾਨ ਲੈਣ ਸ਼ਹਿਰ ਜਾ ਰਹੇ ਸੀ ਜਦੋਂ ਉਹ ਰੇਲਵੇ ਫਾਟਕ ਲੰਘਣ ਲੱਗੇ ਤਾਂ ਰੇਲ ਗੱਡੀ ਥੱਲੇ ਆਉਣ ਕਾਰਨ ਦੋਵਾਂ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਰੇਲਵੇ ਪੁਲੀਸ ਨੇ ਲਾਸ਼ਾਂ ਪੋਸਟਮਾਰਟਮ ਕਰਵਾਉਣ ਮਗਰੋਂ ਵਾਰਸਾਂ ਨੂੰ ਸੌਂਪ ਦਿੱਤੀ।