ਰੇਲਵੇ ਫਾਟਕ ਦਾ ਖੰਭਾ ਟੁੱਟਣ ਕਾਰਨ ਦੋ ਜ਼ਖ਼ਮੀ

ਪੱਤਰ ਪ੍ਰੇਰਕ
ਜਗਰਾਉਂ, 7 ਸਤੰਬਰ
ਇੱਥੋਂ ਦੇ ਸ਼ੇਰਪੁਰ ਚੌਕ ਵਾਲੇ ਫਾਟਕਾਂ ’ਤੇ ਰੇਲਵੇ ਫਾਟਕ ਵਾਲਾ ਇੱਕ ਖੰਭਾ ਟੁੱਟ ਕੇ ਹੇਠਾਂ ਡਿੱਗ ਗਿਆ ਜਿਸ ਕਾਰਨ ਦੋ ਵਿਅਕਤੀ ਜ਼ਖ਼ਮੀ ਹੋ ਗਏ। ਜਾਣਕਾਰੀ ਅਨੁਸਾਰ ਅੱਜ ਦੁਪਹਿਰ ਸਮੇਂ ਜਦੋਂ ਰੇਲਗੱਡੀ ਜਗਰਾਉਂ ਸਟੇਸ਼ਨ ’ਤੇ ਪੁੱਜੀ ਤਾਂ ਵਿਭਾਗ ਵੱਲੋਂ ਫਾਟਕ ਬੰਦ ਕਰ ਦਿੱਤੇ ਗਏ। ਜਦੋਂ ਗੱਡੀ ਰਵਾਨਾ ਹੋਈ ਤਾਂ ਮੁਲਾਜ਼ਮਾਂ ਨੇ ਫਾਟਕ ਚੁੱਕਣੇ ਸ਼ੁਰੂ ਕਰ ਦਿੱਤੇ। ਅਜੇ ਫਾਟਕ ਪੂਰੀ ਤਰ੍ਹਾਂ ਉੱਤੇ ਚੁੱਕੇ ਵੀ ਨਹੀਂ ਸਨ ਗਏ ਕਿ ਅੱਧ-ਵਿਚਕਾਰੋਂ ਹੀ ਇੱਕ ਫਾਟਕ ਦਾ ਖੰਭਾ ਟੁੱਟ ਕੇ ਹੇਠਾਂ ਡਿੱਗ ਗਿਆ ਜਿਸ ਨੇ ਦੋ ਰਾਹਗੀਰਾਂ ਨੂੰ ਆਪਣੀ ਲਪੇਟ ’ਚ ਲੈ ਲਿਆ। ਲੋਕਾਂ ਨੇ ਦੋਵਾਂ ਜ਼ਖਮੀਆਂ ਨੂੰ ਸੰਭਾਲਿਆ। ਰਾਹਗੀਰਾਂ ਨੇ ਅਧਿਕਾਰੀਆਂ ਤੋਂ ਹਾਦਸੇ ਦੀ ਜਾਂਚ ਦੀ ਮੰਗ ਕੀਤੀ ਹੈ।