ਦੋ ਲੜਕੀਆਂ ਭੇਤ-ਭਰੀ ਹਾਲਤ ਵਿੱਚ ਲਾਪਤਾ

ਲੁਧਿਆਣਾ (ਨਿਜੀ ਪੱਤਰ ਪ੍ਰੇਰਕ): ਥਾਣਾ ਜਮਾਲਪੁਰ ਦੇ ਇਲਾਕੇ ਰਾਮ ਨਗਰ ਵਿੱਚ ਦੋ ਨਾਬਾਲਗ ਚਚੇਰੀਆਂ ਭੈਣਾਂ ਭੇਤਭਰੀ ਹਾਲਤ ਵਿੱਚ ਲਾਪਤਾ ਹੋ ਗਈਆਂ ਹਨ। ਇਸ ਸਬੰਧੀ ਗਲੀ ਨੰਬਰ 4 ਰਾਮ ਨਗਰ ਮੁੰਡੀਆਂ ਕਲਾਂ ਸਥਿਤ ਸੰਜੀਵ ਕੁਮਾਰ ਦੇ ਘਰ ਰਹਿੰਦੇ ਰਾਕੇਸ਼ ਸਿੰਘ ਨੇ ਦੱਸਿਆ ਹੈ ਕਿ ਉਸ ਦੀ ਲੜਕੀ ਗੁਨਗੁਨ (17) ਅਤੇ ਉਸ ਦੇ ਭਰਾ ਦੀ ਲੜਕੀ ਖੁਸ਼ੀ (16) ਸ਼ਾਮ ਸਮੇਂ ਦੁੱਧ ਲੈਣ ਲਈ ਦੁਕਾਨ ‘ਤੇ ਗਈਆਂ ਸਨ ਪਰ ਹੁਣ ਤੱਕ ਘਰ ਵਾਪਸ ਨਹੀਂ ਆਈਆਂ ਜਿਨ੍ਹਾਂ ਦੀ ਕਾਫ਼ੀ ਭਾਲ ਕੀਤੀ ਗਈ ਹੈ ਪਰ ਉਹ ਨਹੀਂ ਮਿਲੀਆਂ। ਉਸਨ ੇ ਸ਼ੱਕ ਪ੍ਰਗਟ ਕੀਤਾ ਹੈ ਕਿ ਦੋਵਾਂ ਲੜਕੀਆਂ ਨੂੰ ਕਿਸੇ ਨਾਮਲੂਮ ਵਿਅਕਤੀ ਨੇ ਕਿਧਰੇ ਲੁਕਾ ਕੇ ਰੱਖਿਆ ਹੋਇਆ ਹੈ। ਥਾਣੇਦਾਰ ਸਵਰਨ ਚੰਦ ਨੇ ਦੱਸਿਆ ਹੈ ਕਿ ਪੁਲੀਸ ਵੱਲੋਂ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਕੀਤੀ ਜਾ ਰਹੀ ਹੈ।