ਦੱਖਣੀ ਅਫਰੀਕਾ ਦੀ ਯੂਨੀਵਰਸਿਟੀ ਅੱਗੇ ਦੋ ਬੱਸਾਂ ਟਕਰਾਈਆਂ, 77 ਜ਼ਖ਼ਮੀ

ਜੋਹਾਨੈੱਸਬਰਗ, 25 ਜੁਲਾਈ
ਦੱਖਣੀ ਅਫਰੀਕਾ ਦੀ ਇੱਕ ਯੂਨੀਵਰਸਿਟੀ ਦੇ ਮੁੱਖ ਗੇਟ ’ਤੇ ਅੱਜ ਸਵੇਰੇ ਦੋ ਬੱਸਾਂ ਟਕਰਾਅ ਗਈਆਂ ਜਿਸ ਵਿੱਚ 77 ਜਣੇ ਜ਼ਖ਼ਮੀ ਹੋ ਗਏ। ਇਨ੍ਹਾਂ ਵਿੱਚੋਂ ਪੰਜ ਦੀ ਹਾਲਤ ਗੰਭੀਰ ਹੈ। ਪੁਲੀਸ ਤੇ ਟਰਾਂਸਪੋਰਟ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਹਾਦਸੇ ਵਿੱਚ ਸ਼ਿਕਾਰ ਹੋਏ ਵਾਹਨਾਂ ਵਿੱਚੋਂ ਇੱਕ ਯੂਨੀਵਰਸਿਟੀ ਦੀ ਬੱਸ ਸੀ। ਉਹ ਵਿਦਿਆਰਥੀਆਂ ਨੂੰ ਜੋਹਾਨੈੱਸਬਰਗ ਯੂਨੀਵਰਸਿਟੀ ਦੇ ਕੈਂਪਸ ਵਿੱਚ ਲਿਜਾ ਰਹੀ ਸੀ। ਦੂਜੀ ਸਿਟੀ ਬੱਸ ਸੀ। ਮੈਟਰੋ ਬੱਸ ਦੇ ਬੁਲਾਰੇ ਗੁੱਡਵਿੱਲ ਸ਼ਬਿੂਰੀ ਨੇ ਦੱਸਿਆ ਕਿ ਹਾਦਸੇ ’ਚ ਜ਼ਖ਼ਮੀ ਹੋਏ ਸਾਰੇ 77 ਜਣਿਆਂ ਨੂੰ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਇਹ ਹਾਦਸਾ ਸਵੇਰੇ ਲਗਪਗ ਸੱਤ ਵਜੇ ਵਾਪਰਿਆ। ਹਾਦਸੇ ਮਗਰੋਂ ਇੱਕ ਬੱਸ ਯੂਨੀਵਰਸਿਟੀ ਦੀ ਚਾਰਦੀਵਾਰੀ ਨਾਲ ਟਕਰਾਉਣ ਮਗਰੋਂ ਟੇਢੀ ਹੋ ਗਈ। ਜ਼ਖ਼ਮੀਆਂ ਵਿੱਚ ਤਿੰਨ ਵਿਦਿਆਰਥੀ ਵੀ ਸ਼ਾਮਲ ਹਨ। -ਏਪੀ