ਚੋਰੀ ਦੇ ਐਕਟਿਵਾ ਸਣੇ ਦੋ ਗ੍ਰਿਫ਼ਤਾਰ

ਲੁਧਿਆਣਾ (ਨਿੱਜੀ ਪੱਤਰ ਪ੍ਰੇਰਕ)

ਥਾਣਾ ਡਵੀਜ਼ਨ ਨੰਬਰ 8 ਦੀ ਪੁਲੀਸ ਵੱਲੋਂ ਦੋ ਜਣਿਆਂ ਨੂੰ ਚੋਰੀਸ਼ੁਦਾ ਐਕਟਿਵਾ ਸਕੂਟਰ ਸਮੇਤ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਸ ਸਬੰਧੀ ਥਾਣੇਦਾਰ ਹਰਜੀਤ ਸਿੰਘ ਨੇ ਦੱਸਿਆ ਹੈ ਕਿ ਪੁਲੀਸ ਪਾਰਟੀ ਚੈਕਿੰਗ ਦੇ ਸਬੰਧ ਵਿੱਚ ਨੇੜੇ ਦੁਸਹਿਰਾ ਗਰਾਉਂਡ ਉਪਕਾਰ ਨਗਰ ਸਿਵਲ ਲਾਈਨ ਮੌਜੂਦ ਸੀ ਤਾਂ ਨਿਤਨਿ ਕੁਮਾਰ ਉਰਫ਼ ਬਾਬਾ ਵਾਸੀ ਰਿਸ਼ੀ ਨਗਰ ਹੈਬੋਵਾਲ ਅਤੇ ਕਮਲ ਕੁਮਾਰ ਉਰਫ਼ ਕਾਲਾ ਵਾਸੀ ਗਲੀ ਨੰਬਰ 9 ਜਵਾਹਰ ਨਗਰ ਕੈਂਪ ਐਕਟਿਵਾ ਸਕੂਟਰ ਬਨਿਾਂ ਨੰਬਰੀ ਤੇ ਆ ਰਹੇ ਸਨ ਜੋ ਪੁਲੀਸ ਪਾਰਟੀ ਨੂੰ ਦੇਖਕੇ ਪਿਛੇ ਨੂੰ ਮੁੜਣ ਲੱਗੇ ਤਾਂ ਉਨ੍ਹਾਂ ਨੂੰ ਸ਼ੱਕ ਦੀ ਬਨਿਾਅ ਤੇ ਕਾਬੂ ਕਰਕੇ ਐਕਟਿਵਾ ਸਕੂਟਰ ਸਬੰਧੀ ਪੁਛਗਿੱਛ ਕੀਤੀ ਗਈ ਤਾਂ ਉਹ ਕੋਈ ਵੀ ਤਸੱਲੀ ਬਖਸ਼ ਜਵਾਬ ਨਹੀਂ ਦੇ ਸਕੇ।‌ ਉਨ੍ਹਾਂ ਦੱਸਿਆ ਕਿ ਇਹ ਐਕਟਿਵਾ ਸਕੂਟਰ ਰੋਜ਼ ਗਾਰਡਨ ਪਾਰਕ ਤੋਂ ਚੋਰੀ ਕੀਤਾ ਗਿਆ ਹੈ।