ਚੋਰੀ ਦੇ 15 ਦੁਪਹੀਆ ਵਾਹਨਾਂ ਸਣੇ ਦੋ ਗ੍ਰਿਫ਼ਤਾਰ

ਮਾਲੇਰਕੋਟਲਾ: ਪੁਲੀਸ ਨੇ ਦੋ ਮੁਲਜ਼ਮਾਂ ਨੂੰ ਚੋਰੀਦੇ 15 ਦੁਪਹੀਆ ਵਾਹਨਾਂ ਸਣੇ ਕਾਬੂ ਕੀਤਾ ਹੈ। ਸੀਆਈਏ ਸਟਾਫ ਮਾਹੋਰਾਣਾ ਦੇ ਇੰਚਾਰਜ ਇੰਸਪੈਕਟਰ ਹਰਜਿੰਦਰ ਸਿੰਘ ਨੇ ਦੱਸਿਆ ਕਿ ਮੁਲਜ਼ਮਾਂ ਦੀ ਪਛਾਣ ਜੈਕਬ ਮਸੀਹ ਉਰਫ ਜੈਕੀ ਵਾਸੀ ਕਰਮ ਕਲੋਨੀ, ਸਦਰਾਬਾਦ (ਨੌਸ਼ਹਿਰਾ) ਥਾਣਾ ਅਮਰਗੜ੍ਹ ਅਤੇ ਲਵਪ੍ਰੀਤ ਸਿੰਘ ਉਰਫ਼ ਲਵਲੀ ਅਲ- ਫਲਾਹ ਕਲੋਨੀ ਮਾਲੇਰਕੋਟਲਾ ਹਾਲ ਅਬਾਦ ਦਸ਼ਮੇਸ਼ ਨਗਰ ਕੱਕੜਵਾਲ ਚੌਕ ਧੂਰੀ ਵਜੋਂ ਹੋਈ ਹੈ। ਉਨ੍ਹਾਂ ਕੋਲੋਂ ਚੋਰੀ ਦੇ 14 ਮੋਟਰਸਾਈਕਲ ਤੇ ਇੱਕ ਸਕੂਟਰੀ ਬਰਾਮਦ ਕੀਤੇ ਗਈ ਹੈ। ਜ਼ਿਲ੍ਹਾ ਪੁਲੀਸ ਮੁਖੀ ਸ੍ਰੀ ਗਗਨ ਅਜੀਤ ਸਿੰਘ ਨੇ ਦੱਸਿਆ ਕਿ ਉਕਤ ਨੌਜਵਾਨ ਤਫ਼ਤੀਸ਼ ਦੌਰਾਨ ਵੱਖ-ਵੱਖ ਕੰਪਨੀਆਂ ਦੇ ਚੋਰੀ ਕੀਤੇ 14 ਮੋਟਰਸਾਈਕਲ ਅਤੇ ਇੱਕ ਸਕੂਟਰੀ ਮੰਨ ਗਏ। ਪੁਲੀਸ ਨੇ ਉਕਤ ਨੌਜਵਾਨਾਂ ਦੀ ਨਿਸ਼ਾਨਦੇਹੀ ’ਤੇ ਉਨ੍ਹਾਂ ਵੱਲੋਂ ਆਦਮਪਾਲ ਸੜਕ ਸਥਿਤ ਇੱਕ ਬੇਆਬਾਦ ਇਮਾਰਤ ਵਿੱਚ ਖੜ੍ਹੇ ਕੀਤੇ ਮੋਟਰਸਾਈਕਲ ਤੇ ਸਕੂਟਰੀ ਬਰਾਮਦ ਕੀਤੇ ਹਨ। -ਨਿੱਜੀ ਪੱਤਰ ਪ੍ਰੇਰਕ