ਸ਼ਰਾਬ ਪਿਲਾਉਣ ਦੇ ਦੋਸ਼ ਹੇਠ ਦੋ ਕਾਬੂ

ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 20 ਨਵੰਬਰ
ਥਾਣਾ ਜੋਧੇਵਾਲ ਦੀ ਪੁਲੀਸ ਨੇ ਸ਼ਰਾਬ ਪਿਲਾਉਣ ਦੇ ਦੋਸ਼ ਹੇਠ ਇੱਕ ਚਿਕਨ ਦੁਕਾਨ ਦੇ ਮਾਲਕ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਸ ਸਬੰਧੀ ਥਾਣੇਦਾਰ ਜਸਪਾਲ ਸਿੰਘ ਨੇ ਦੱਸਿਆ ਕਿ ਬਹਾਦਰਕੇ ਰੋਡ ’ਤੇ ਮੌਜੂਦ ਪੁਲੀਸ ਪਾਰਟੀ ਨੂੰ ਪਤਾ ਲੱਗਿਆ ਸੀ ਕਿ ਅਜਮੇਰ ਸਿੰਘ ਵਾਸੀ ਦਸਮੇਸ਼ ਪੁਰੀ ਕਲੋਨੀ ਨੂਰਵਾਲਾ ਰੋਡ ਤੇ ਧੀਰਜ ਵਾਸੀ ਗਗਨਦੀਪ ਕਲੋਨੀ ਕਾਕੋਵਾਲ ਰੋਡ ਮੁਹੱਲਾ ਦੀਪ ਬਿਹਾਰ ਕਲੋਨੀ ਦੇ ਚੌਕ ਵਿੱਚ ਗਾਹਕਾਂ ਨੂੰ ਸ਼ਰਾਬ ਪਿਲਾਉਂਦੇ ਹਨ। ਪੁਲੀਸ ਨੇ ਕਾਰਵਾਈ ਕਰਦਿਆਂ ਮੁਲਜ਼ਮਾਂ ਦੇ ਕਬਜ਼ੇ ਵਿੱਚੋਂ ਸ਼ਰਾਬ, ਖਾਰਾ, ਡਿਸਪੋਜ਼ੇਬਲ ਗਲਾਸ ਤੇ ਲੱਕੜ ਦੇ ਦੋ ਟੇਬਲ ਬਰਾਮਦ ਕੀਤੇ ਹਨ।