ਪੈਟਰੋਲ ਪੰਪ ਦੇ ਕਰਿੰਦੇ ਤੋਂ ਰਕਮ ਲੁੱਟਣ ਵਾਲੇ ਦੋ ਕਾਬੂ

ਗੁਰੂਸਰ ਸੁਧਾਰ, ਮੁੱਲਾਂਪੁਰ: ਲੁਧਿਆਣਾ-ਫ਼ਿਰੋਜ਼ਪੁਰ ਕੌਮੀ ਮਾਰਗ ’ਤੇ ਗਹੌਰ ਪਿੰਡ ਲਾਗੇ ਪੈਟਰੋਲ ਪੰਪ ਤੋਂ ਮੋਟਰਸਾਈਕਲ ਸਵਾਰ ਦੋ ਨੌਜਵਾਨਾਂ ਨੇ ਪੰਜ ਸੌ ਰੁਪਏ ਦਾ ਪੈਟਰੋਲ ਪਵਾਉਣ ਉਪਰੰਤ ਪੈਸੇ ਵੀ ਨਹੀਂ ਦਿੱਤੇ ਸਗੋਂ ਤਕਰਾਰ ਦੌਰਾਨ ਪੰਪ ਦੇ ਕਰਿੰਦੇ ਦੇ ਹੱਥ ਵਿੱਚ ਫੜੇ ਕੁਝ ਨੋਟ ਵੀ ਖੋਹ ਕੇ ਭੱਜਣ ਲੱਗੇ ਸਨ ਅਤੇ ਕੁਝ ਦੂਰੀ ’ਤੇ ਉਹ ਖੁਦ ਹੀ ਡਿੱਗ ਪਏ। ਪੰਪ ਦੇ ਕਰਿੰਦੇ ਕਰਨਵੀਰ ਸਿੰਘ ਪੁੱਤਰ ਜਗਜੀਤ ਸਿੰਘ ਵਾਸੀ ਪਿੰਡ ਬੱਦੋਵਾਲ ਨੇ ਆਪਣੇ ਹੋਰ ਸਾਥੀਆਂ ਦੀ ਮਦਦ ਨਾਲ ਦੋਵਾਂ ਨੌਜਵਾਨਾਂ ਨੂੰ ਕਾਬੂ ਕਰ ਲਿਆ। ਥਾਣਾ ਦਾਖਾ ਦੀ ਪੁਲੀਸ ਨੇ ਇਸ ਸਬੰਧੀ ਕੇਸ ਦਰਜ ਕਰ ਕੇ ਕਾਨੂੰਨੀ ਕਾਰਵਾਈ ਆਰੰਭ ਦਿੱਤੀ ਹੈ। ਜਾਂਚ ਅਫ਼ਸਰ ਥਾਣੇਦਾਰ ਆਤਮਾ ਸਿੰਘ ਨੇ ਦੱਸਿਆ ਕਿ ਮੁਲਜ਼ਮਾਂ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਸੀ ਅਤੇ ਮਾਨਯੋਗ ਅਦਾਲਤ ਨੇ ਦੋ ਦਿਨ ਦਾ ਪੁਲੀਸ ਰਿਮਾਂਡ ਦਿੱਤਾ ਹੈ। -ਪੱਤਰ ਪ੍ਰੇਰਕ