ਚੋਰੀ ਦੇ ਢਾਈ ਦਰਜਨ ਸਾਈਕਲ ਬਰਾਮਦ

ਪੰਚਕੂਲਾ: ਪੰਚਕੂਲਾ ਪੁਲੀਸ ਨੇ ਚੋਰ ਮੀਮਕਾਂਤਾ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜਿਸ ਕੋਲੋਂ ਢਾਈ ਦਰਜਨ ਤੋਂ ਵੱਧ ਸਾਈਕਲਾਂ ਬਰਾਮਦ ਹੋਈਆਂ ਹਨ। ਇਹ ਜਾਣਕਾਰੀ ਏਸੀਪੀ ਸੁਰਿੰਦਰ ਸਿੰਘ ਨੇ ਕੀਤਾ। ਇਸ ਚੋਰ ਨੂੰ ਸੈਕਟਰ-10 ਪੰਚਕੂਲਾ ਦੇ ਇੰਚਾਰਜ ਮਨਦੀਪ ਸਿੰਘ ਨੇ ਕਾਬੂ ਕੀਤਾ ਹੈ। ਚੋਰੀ ਦੀਆਂ ਸਾਈਕਲਾਂ ਵਿੱਚ ਵਧੇਰੇ ਕਰਕੇ ਸਪੋਰਟਸ ਸਾਈਕਲ ਸ਼ਾਮਲ ਹਨ। ਇਸ ਚੋਰ ਨੂੰ ਸੀਸੀਟੀਵੀ ਦੀ ਫੁਟੇਜ ਦੇ ਆਧਾਰ ’ਤੇ ਗ੍ਰਿਫ਼ਤਾਰ ਕੀਤਾ ਗਿਆ। ਇਹ ਚੋਰੀ ਕੀਤੇ ਸਾਈਕਲ ਚੰਡੀਗੜ੍ਹ, ਪਿੰਜ਼ੋਰ, ਕਾਲਕਾ ਅਤੇ ਇਸਦੇ ਆਸ-ਪਾਸ ਦੇ ਇਲਾਕਿਆਂ ਵਿੱਚ ਛੁਪਾ ਕੇ ਰੱਖਦਾ ਸੀ। ਪੁਲੀਸ ਇਸ ਚੋਰ ਕੋਲੋਂ ਹੋਰ ਵਾਰਦਾਤਾਂ ਬਾਰੇ ਪੁੱਛ-ਪੜਤਾਲ ਕਰ ਰਹੀ ਹੈ। -ਪੱਤਰ ਪ੍ਰੇਰਕ