ਤੁਸ਼ਾਰ ਗਾਂਧੀ ਨੇ ਭਿੜੇ ਖ਼ਿਲਾਫ਼ ਕੇਸ ਦਰਜ ਕਰਵਾਇਆ

ਪੂਣੇ: ਮਹਾਤਮਾ ਗਾਂਧੀ ਦੇ ਪੜਪੋਤੇ ਤੁਸ਼ਾਰ ਗਾਂਧੀ ਨੇ ਰਾਸ਼ਟਰਪਿਤਾ ਬਾਰੇ ਕਥਿਤ ਤੌਰ ’ਤੇ ਵਿਵਾਦਤ ਟਿੱਪਣੀਆਂ ਕਰਨ ਦੇ ਦੋਸ਼ ਹੇਠ ਹਿੰਦੂਵਾਦੀ ਆਗੂ ਸਾਂਭਾਜੀ ਭਿੜੇ ਖ਼ਿਲਾਫ਼ ਕੇਸ ਦਰਜ ਕਰਵਾਇਆ ਹੈ। ਅਮਰਾਵਤੀ ਜ਼ਿਲ੍ਹੇ ਵਿੱਚ ਜੁਲਾਈ ਦੇ ਅਖ਼ੀਰਲੇ ਹਫ਼ਤੇ ਇਕ ਸਮਾਗਮ ਦੌਰਾਨ ਦਿੱਤੇ ਭਾਸ਼ਣ ’ਚ ਸਾਂਭਾਜੀ ਭਿੜੇ ਵੱਲੋਂ ਮਹਾਤਮਾ ਗਾਂਧੀ ਦੇ ਵੰਸ਼ ਬਾਰੇ ਇਤਰਾਜ਼ਯੋਗ ਟਿੱਪਣੀਆਂ ਕਰਨ ਦਾ ਦੋਸ਼ ਹੈ। ਅਮਰਾਵਤੀ ਤੇ ਨਾਸਿਕ ਪੁਲੀਸ ਨੇ ਭਿੜੇ ਖ਼ਿਲਾਫ਼ ਐੱਫਆਈਆਰ ਦਰਜ ਕੀਤੀਆਂ ਸਨ। ਤੁਸ਼ਾਰ ਗਾਂਧੀ ਐਡਵੋਕੇਟ ਆਸਿਮ ਸਰੋੜੇ ਤੇ ਹੋਰ ਲੋਕਾਂ ਨਾਲ ਡੈਕੇਨ ਜਿਮਖਾਨਾ ਪੁਲੀਸ ਸਟੇਸ਼ਨ ਪੁੱਜੇ ਤੇ ਉਨ੍ਹਾਂ ਖ਼ਿਲਾਫ਼ ਸ਼ਿਕਾਇਤ ਦਿੱਤੀ। -ਪੀਟੀਆਈ