ਕਾਰਗਿਲ ਦੇ ਸ਼ਹੀਦਾਂ ਨੂੰ ਸ਼ਰਧਾਂਜਲੀਆਂ

ਟ੍ਰਬਿਿਊਨ ਨਿਊਜ਼ ਸਰਵਿਸ
ਅੰਮ੍ਰਿਤਸਰ, 26 ਜੁਲਾਈ

ਕਾਰਗਿਲ ਦੀ ਜਿੱਤ ਦੀ 20ਵੀਂ ਵਰ੍ਹੇਗੰਢ ਮੌਕੇ ਐੱਨਸੀਸੀ ਕੈਡਿਟਾਂ ਨੇ ਉਤਸ਼ਾਹ ਨਾਲ ਦੇਸ਼ ਲਈ ਸ਼ਹੀਦ ਹੋਣ ਵਾਲੇ ਫੌਜੀ ਜਵਾਨਾਂ ਨੂੰ ਯਾਦ ਕਰਦੇ ਹੋਏ ਵਿਜੈ ਦਿਵਸ ਮਨਾਇਆ। ਐੱਨਸੀਸੀ ਪੰਜਾਬ ਬਟਾਲੀਅਨ ਦੇ ਬੁਲਾਰੇ ਨੇ ਦੱਸਿਆ ਕਿ ਬ੍ਰਿਗੇਡੀਅਰ ਸ੍ਰੀ ਆਰਕੇ ਮੌਰ ਦੀ ਅਗਵਾਈ ਹੇਠ ਮਨਾਏ ਗਏ ਇਸ ਵਿਜੈ ਦਿਵਸ ਵਿਚ ਪੰਜਾਬ, ਹਰਿਆਣਾ, ਹਿਮਾਚਲ ਪ੍ਰਦੇਸ਼ ਅਤੇ ਚੰਡੀਗੜ੍ਹ ਦੇ ਕੈਡਿਟ ਆਨਲਾਈਨ ਸ਼ਾਮਿਲ ਹੋਏ।

ਉਥੇ ਹੀ ਨੈਸ਼ਨਲ ਹਿਊਮਨ ਰਾਈਟਸ ਜਥੇਬੰਦੀ ਵਲੋਂ ਵੀ ਕਾਰਗਿਲ ਦਿਵਸ ਦੀ 21ਵੀਂ ਵਰ੍ਹੇਗੰਢ ਮਨਾਈ ਗਈ ਅਤੇ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਦਿੰਦਿਆਂ ਦੀਵੇ ਜਗਾਏ ਗਏ।

ਤਰਨ ਤਾਰਨ,(ਪੱਤਰ ਪ੍ਰੇਰਕ): ਵਿਕਾਸ ਮੰਚ ਪੰਜਾਬ, ਐਕਸ ਸਰਵਿਸਮੈਨ ਲੀਗ ਅਤੇ ਪੇਰੈਂਟਸ ਐਸੋਸੀਏਸ਼ਨ ਵਲੋਂ ਵੀ ਇਥੇ ਕਾਰਗਿਲ ਦੇ ਸ਼ਹੀਦਾਂ ਦੀ ਯਾਦ ਵਿੱਚ ਵਿਜੈ ਦਿਵਸ ਮਨਾਇਆ ਗਿਆ।