ਸੋਨ ਤਮਗਾ ਜੇਤੂ ਸ਼ਰਨਦੀਪ ਸਿੰਘ ਜੱਸੀ ਦਾ ਸਨਮਾਨ

ਟਾਂਡਾ:

ਆਸਟਰੇਲੀਆ ‘ਚ ਹੋਏ ਅੰਤਰਰਾਸ਼ਟਰੀ ਵੇਟ ਲਿਫਟਿੰਗ ਮੁਕਾਬਲੇ ‘ਚ ਸੋਨ ਤਮਗਾ ਜਿੱਤਣ ਵਾਲੇ ਨੇੜਲੇ ਪਿੰਡ ਰੜ੍ਹਾ ਦੇ ਰਹਿਣ ਵਾਲੇ ਖਿਡਾਰੀ ਸ਼ਰਨਦੀਪ ਸਿੰਘ ਜੱਸੀ ਨੂੰ ਅੱਜ ਇੱਥੇ ਖੇਡ ਪ੍ਰਮੋਟਰ ਹਰਦੀਪ ਜੌਹਲ ਦੀ ਅਗਵਾਈ ਹੇਠ ਹੋਏ ਸਮਾਗਮ ਦੌਰਾਨ ਬਾਬਾ ਫ਼ਤਹਿ ਸਿੰਘ ਸਪੋਰਟਸ ਕਲੱਬ ਜੌਹਲ ਅਤੇ ਘੁਮੱਕੜਨਾਮਾ ਸੰਸਥਾ ਪੰਜਾਬ ਵੱਲੋਂ ਜੱਸੀ ਨੂੰ ਯਾਦਗਾਰੀ ਚਿੰਨ੍ਹ ਅਤੇ 11 ਹਜ਼ਾਰ ਰੁਪਏ ਦਾ ਨਕਦ ਇਨਾਮ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਹਰਦੀਪ ਜੌਹਲ ਨੇ ਕਿਹਾ ਕਿ ਜੱਸੀ ਨੇ ਮਾਸਟਰ ਖੇਡਾਂ ਵਿੱਚ ਆਪਣੀ ਪ੍ਰਤਿਭਾ ਦਾ ਸਬੂਤ ਦਿੰਦਿਆਂ ਇਹ ਤਗਮਾ ਜਿੱਤਿਆ ਹੈ।ਇਸ ਮੌਕੇ ਹਰਕਮਲ ਸਿੰਘ, ਹਰਜਿੰਦਰ ਅਨੂਪਗੜ੍ਹ, ਡਾ.ਸ਼ਬਦੀਪ, ਡਾ.ਯੂਨੀਸ ਪੱਖੋਵਾਲ, ਯਾਦਵਿੰਦਰ ਵਿਰਕ, ਰਣਵੀਰ ਕਿਲਾ ਰਾਏਪੁਰ, ਗਗਨ ਬੰਗਾ, ਅਮਨਦੀਪ ਰਾਮਪੁਰਾ ਅਤੇ ਹਰਪ੍ਰੀਤ ਨਾਗਰਾ ਵੀ ਮੌਜੂਦ ਸਨ। -ਪੱਤਰ ਪ੍ਰੇਰਕ